Community News & Updates

Stay informed with the latest happenings, achievements, and announcements from our community.

All News

calendar_today October 26, 2026

Nadiad : ડાકોર રણછોડરાય મંદિરે હરખની હેલી

યાત્રાધામ ડાકોર રણછોડરાયજી મંદિરમાં શરદોત્સવ પર્વ નિમિતે દર્શનાર્થીઓનું ઘોડાપૂર ઊમટી હતું.સોમવારે સવારે 5.15 કલાકે મંગળા આરતી દર્શનનો લાભ લેવા મંદિરનો ઘુમ્મટ ભકતોથી ઉભરાઇ ગયો હતો. ભગવાનને કેસર સ્નાન અને નિત્ય પૂજા વિધી થયા બાદ શ્રી ઠાકોજીને મનોહર મોટો મુગટ (સવા લાખનો) ધરાવવામાં આવ્યો હતો. મંદિરમાં આખો દિવસ ભકતોનો અવિરત પ્રવાહ રહ્યો હતો. આ દિવ્ય દર્શનનો લાભ એક લાખ ઉપરાંત ભકતોએ લીધો હતો. યાત્રાધામ આખો દિવસ ભકતોના જય રણછોડના નાદ થી ગુંજતો રહ્યો હતો યાત્રાધામ ડાકોર રણછોડરાયજી મંદિરના હરેન્દ્રભાઇ સેવકે જણાવ્યું હતું કે, યાત્રાધામ ડાકોરમાં રવિવારે શરદોત્સવ ઉજવાયો હતો.બીજા દિવસે સોમવારે શરદપૂર્ણિમા યોજાઇ હતી. પૂનમ ભરનારા સોમવારે દર્શનાર્થીઓ ઊમટયા હતા .પૂર્ણિમાના દિવસે વહેલી સવારે 5.15 કલાકે દર્શન થયા હતા. આ સમયે શ્રીજીએ રાસબિહારી સ્વરૂપના દર્શનનો લાભ લેવા મોટી સંખ્યામાં ભકતો ઊમટી પડયા હતા. મંગળાઆરતી થયા બાદ ભગવાનને કેસર સ્નાન કરાવ્યા બાદ શ્રી ઠાકોરજીને શ્વેત ઝરીવાળા વાઘા અને સુવર્ણ આભુષણો તેમજ સુવર્ણ શંખ , ચક્ર , પદ્મ, ગદા અર્પણ કરવામાં આવી હતી. અને ભગવાનના શીરે મોટો મુગટ (સવા લાખનો ) ધરાવવામાં આવ્યો હતો. વર્ષો પહેલા આ મુગટની સવા લાખ હતી. હાલ આ મુગટની કિંમત કરોડો રૂપિયા મૂલ્ય આંકવામાં આવે છે . શ્રીજીને આ મોટો મુગટ વર્ષમાં ત્રણ વખત ધરાવવામાં આવે છે . શરદપૂર્ણિમા,કારતર પૂર્ણિમા અને જન્માષ્ટમી પર્વ પ્રસંગે મોટો મુગટ ધરાવવામાં આવે છે. આ દિવ્ય દર્શનનો લાભ લેવા મંદિરમાં વહેલી સવારે મંગળાઆરતી દર્શન થી મોડી સાંજે શયન આરતી દર્શન સુધી ભકતોનો અવિરત પ્રવાહ રહ્યા હતો. દિવસ દરમિયાન એક લાખ ઉપરાંત ભકતોએ ભગવાનના દર્શનનો લાભ લઇને ધન્યતા અનુભવી હતી. શયન દર્શન સમયે ભગવાનને ધરાવેલો મોટો મુગટ ઉતારીને ઇડીપીડી (નજર ઉતારવી) કરવામાં આવી હતી. ત્યારબાદ ભગવાન અનુકૂળતાએ પોઢી ગયા હતા. યાત્રાધામમાં મીની મેળા જેવો માહોલ સર્જાયો હતો. આ પૂર્ણિમાને લઇને દર્શનાર્થીઓને કોઇ મુશ્કેલી ન પડે તે માટે પોલીસ ખડેપડે તૈનાત રહી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 26, 2026

Anand : બોરસદના જંત્રાલમાં શ્રી લાડુ ઝાંપડી માતાજીના પ્રાગટય દિનની ઉજવણી

બોરસદ તાલુકાના જંત્રાલ ગામે આવેલા શ્રી લાડું ઝાંપડી માતાજીના મંદિર પરિસરમાં માતાજીના પ્રાગટય દિવસ નિમિત્તે 21મા શરદ પૂર્ણિમા મહોત્સવની ભવ્ય ઉજવણી કરવામાં આવી હતી.ધાર્મિક મહોત્સવમાં લોકમેળા સહિત વિવિધ કાર્યક્રમોનું આયોજન કરવામાં આવ્યું હતું. જંત્રાલ સહિત આસપાસનાં 10 થી વધુ ગામોના શ્રદ્ધાળુઓમાં મહોત્સવને લઈને ભારે ઉત્સાહ જોવા મળ્યો હતો. સમગ્ર મંદિર પરિસર ભક્તિભાવ, ધાર્મિક આસ્થા અને ઉત્સવી માહોલથી છવાઈ ગયું હતું. મહોત્સવના પ્રારંભ પ્રસંગે ગુજરાત સરકારના કેબિનેટ મંત્રી રમણભાઈ સોલંકીના હસ્તે લોકમેળાને ખુલ્લો મૂકવામાં આવ્યો હતો. બાદ પરંપરાગત રીતે માંડવડીના દીપ પ્રજ્વલિત કરીને કેબિનેટ મંત્રી, જિલ્લા ભાજપ પ્રમુખ સંજયભાઈ પટેલ, જિલ્લા પંચાયતના ઇન્ચાર્જ પ્રમુખ જીલુભા સિંધા સહિત આમંત્રિત મહેમાનોએ શરદ પૂર્ણિમા ઉત્સવનો પ્રારંભ કરાવ્યો હતો. માતાજીના પ્રાગટય દિવસની ઉજવણીના ભાગરૂપે રાત્રે 10 વાગ્યે ભવ્ય આતશબાજીનું આયોજન કરવામાં આવ્યું હતું. આકાશમાં રંગબેરંગી આતશબાજીના નયનરમ્ય નજારાએ ઉત્સવની રોનકમાં વધારો કર્યો હતો. ત્યારબાદ પ્રસિદ્ધ ગાયક અને સંગીત વૃંદના સથવારે ભવ્ય રાસ-ગરબાનું આયોજન કરવામાં આવ્યું હતું. માતાજીના ભક્તોએ ભક્તિ સંગીતના તાલે ગરબે ઘૂમીને માતાજીની આરાધના કરી હતી. રાત્રે 12 વાગ્યે માતાજીની મહાઆરતી યોજાઈ હતી. માતાજીના જયઘોષ, ભક્તિ સંગીત અને દીપપ્રજ્વલિત આરતીના દિવ્ય માહોલથી મંદિર પરિસર ગુંજી ઊઠયું હતું. ભાવિક ભક્તોએ પરિવાર સાથે માતાજીનાં દર્શન કરી ધન્યતા અનુભવી હતી. લોકમેળો, રાસ-ગરબા, આતશબાજી અને મહાઆરતી સહિતના કાર્યક્રમોએ શરદ પૂર્ણિમાના પાવન પર્વને યાદગાર બનાવ્યો હતો. ધાર્મિક આસ્થા સાથે લોકપરંપરા અને સામૂહિકએકતાનો સંદેશ આપતો આ મહોત્સવ શ્રદ્ધાળુઓ માટે આકર્ષણનું કેન્દ્ર બન્યો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today October 26, 2026

Mahudha : ગાયને બચાવવા જતાં 108 એમ્બ્યુલન્સને અકસ્માત થયો

મહુધા કોર્ટ સામે રસ્તા પર અચાનક આવેલી ગાયને બચાવવાના પ્રયાસમાં 108 એમ્બ્યુલન્સ અકસ્માતનો ભોગ બની હતી. અલીણા ગામના દર્દીને મહુધા સરકારી હોસ્પિટલમાં સારવાર અર્થે પહોંચાડીને પરત ફરી રહેલી એમ્બ્યુલન્સને આ અકસ્માત નડયો હતો. ઘટનામાં એમ્બ્યુલન્સને નુકસાન થયું હોવાનું જાણવા મળ્યું છે. મહુધા તાલુકાના અલીણા ગામના એક દર્દીની તબિયતને ધ્યાનમાં રાખીને તેને 108 એમ્બ્યુલન્સ મારફ્તે મહુધા સરકારી હોસ્પિટલ ખાતે સારવાર માટે ખસેડવામાં આવ્યો હતો. દર્દીને હોસ્પિટલમાં પહોંચાડયા બાદ એમ્બ્યુલન્સ પરત ફરી રહી હતી. દરમિયાન મહુધા કોર્ટ સામે પહોંચતાં જ રસ્તા પર અચાનક ગાય આવી જતાં ચાલકે તેને બચાવવા માટે પ્રયાસ કર્યો હતો. જોકે, આ પ્રયાસ દરમિયાન એમ્બ્યુલન્સ અકસ્માતનો ભોગ બની હતી અને વાહનને નુકસાન પહોંચ્યું હતું. સદનસીબે દર્દીને હોસ્પિટલમાં ખસેડયા બાદ આ ઘટના બની હતી. રસ્તા પર રખડતાં પશુઓના કારણે વાહનચાલકો માટે અકસ્માતનું જોખમ સતત રહેતું હોય છે. ખાસ કરીને વ્યસ્ત માર્ગો પર અચાનક રસ્તા વચ્ચે આવી જતાં પશુઓને કારણે વાહનચાલકો મુશ્કેલીમાં મુકાય છે. આ ઘટનાએ ફરી એકવાર રખડતાં પશુઓની સમસ્યા અને માર્ગ સલામતી અંગે સવાલો ઊભા કર્યા છે. નગર વિસ્તારમાં રખડતાં પશુઓને નિયંત્રિત કરવા તંત્ર દ્વારા યોગ્ય પગલાં લેવામાં આવે તેવી લોકમાંગ ઊઠે તેવી સ્થિતિ સર્જાઈ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward