Stock Market Opening: ઇકોનોમી સરવે પહેલા રોકાણકારો સતર્ક, સેન્સેક્સ 253 પોઇન્ટ ઘટ્યો
ગુરુવારે (29 જાન્યુઆરી) એશિયન બજારોના સુસ્ત સંકેતો વચ્ચે ભારતીય શેરબજારો નીચા સ્તરે ખુલવાની ધારણા છે. સવારે 8 વાગ્યે GIFT નિફ્ટી ફ્યુચર્સ 47 પોઈન્ટ ઘટીને 25379 પર હતો. રોકાણકારોનું ધ્યાન 2025-26 ના આર્થિક સર્વે પર છે, જે આજે કેન્દ્રીય નાણામંત્રી નિર્મલા સીતારમણ દ્વારા સંસદમાં રજૂ કરવામાં આવશે. વધુમાં FII ની સતત વેચાણ, પ્રી-બજેટ પોઝિશનિંગ અને વૈશ્વિક સંકેતો પણ બજારના સેન્ટિમેન્ટને પ્રભાવિત કરશે.લાલ નિશાનમાં ખૂલ્યુ માર્કેટ સવારે 9.30 કલાકે શેરબજારની સ્થિતિની વાત કરીએ તો, ભારતીય શેરબજાર લાલ નિશાનમાં ખૂલ્યો હતો. સેન્સેક્સ 296.01 પોઇન્ટના વધારા સાથે 82,048.67 અંકે ખૂલ્યો હતો. જ્યારે નિફ્ટી 50 −68.45 પોઇન્ટના ઘટાડા સાથે 25,274.30 અઁકે ખૂલ્યો હતો. આર્થિક સર્વેક્ષણ અહેવાલ રજૂ કરાશેઆજે સંસદીય બજેટ સત્રનો બીજો દિવસ છે, અને 29 જાન્યુઆરીએ, આર્થિક સર્વેક્ષણ અહેવાલ 2026 રજૂ કરવામાં આવશે. આ અહેવાલ ભારતની અર્થવ્યવસ્થાનો ઝાંખી આપશે અને તેની તાકાત જાહેર કરશે. બજેટ ત્રણ દિવસ પછી રજૂ કરવામાં આવશે. ઇતિહાસમાં આ પહેલી વાર છે કે કેન્દ્રીય બજેટ રવિવારે રજૂ કરવામાં આવશે, જે નાણામંત્રી નિર્મલા સીતારમણ રજૂ કરશે. આ તેમનું નવમું બજેટ હશે. આ બજેટમાં, સરકાર ભારતના વિકાસ માટે રોડમેપ રજૂ કરશે. વિવિધ શ્રેણીઓ અને વર્ગો માટે છૂટછાટો પણ જાહેર કરવામાં આવી શકે છે. 11 વાગે રજૂ કરાશે સામાન્ય રીતે, આર્થિક સર્વેક્ષણ બજેટના એક દિવસ પહેલા રજૂ કરવામાં આવે છે, પરંતુ આ વખતે તે ત્રણ દિવસ પહેલા રજૂ કરવામાં આવી રહ્યું છે. આર્થિક સર્વેક્ષણ 2026 ગુરુવાર, 29 જાન્યુઆરીએ સવારે 11 વાગ્યે રજૂ કરવામાં આવશે. ભારતના મુખ્ય આર્થિક સલાહકાર (CEA) સંસદના બંને ગૃહોમાં આ સર્વેક્ષણ રજૂ કરશે.વૈશ્વિક બજારોની શું છે સ્થિતિ ? ચેરમેન જેરોમ પોવેલના નેતૃત્વમાં યુએસ ફેડરલ રિઝર્વે વ્યાજ દર ૩.૫% થી ૩.૭૫% ની રેન્જમાં સ્થિર રાખ્યા હતા. આના કારણે એશિયન શેરબજારોમાં ઘટાડો થયો. છેલ્લા અપડેટમાં, જાપાનનો નિક્કી ૨૨૫ ઇન્ડેક્સ ૦.૪૬% નીચે હતો, જ્યારે દક્ષિણ કોરિયાનો કોસ્પી ઇન્ડેક્સ ૦.૫૮% નીચે હતો. ઓસ્ટ્રેલિયાનો S&P/ASX ૨૦૦ ઇન્ડેક્સ ૦.૮ ટકા નીચે ખુલ્યો હતો. બુધવારે યુએસ શેરબજારો લગભગ ફ્લેટ બંધ થયા હતા. ચિપ શેરોમાં વધારાને કારણે નાસ્ડેકમાં થોડો વધારો થયો. યુએસ ફેડે વ્યાજ દરો યથાવત રાખ્યા હોવાથી અને વ્યાજ દરો ક્યારે ઘટાડવામાં આવશે તેનો સ્પષ્ટ સંકેત ન આપતાં રોકાણકારોની પ્રતિક્રિયા મર્યાદિત હતી. S&P 500 ઇન્ડેક્સ 6,978.03 પર ફ્લેટ બંધ થયો, નાસ્ડેક કમ્પોઝિટ 0.17 ટકા વધીને 23,857.45 પર બંધ થયો, જ્યારે ડાઉ જોન્સ ઇન્ડસ્ટ્રિયલ એવરેજ પણ લગભગ અપરિવર્તિત 49,015.60 પર બંધ થયો.Ajit Pawar Plane Crash: પ્લેન ક્રેશ દુર્ઘટનામાં નાયબ મુખ્યમંત્રી અજિત પવારનું મોત, જુઓ પ્લેન ક્રેશનો વીડિયો
Read Full Story arrow_forward
