Surendranagar: જિ. પં.ના બાબુઓ પ્રમુખ સહિતના હોદ્દેદારોને પણ નથી ગાંઠતા
સુરેન્દ્રનગર જિલ્લા પંચાયતમાં બાળ વિકાસ સમિતિના મહિલા ચેરમેન સામે પ્રોગ્રામ ઓફીસર જંગે ચડયા બાદ પોલીસ ફરિયાદ પણ નોંધાઇ છે. ત્યારે પ્રોગ્રામ આસીસ્ટન્ટ અને આરોગ્ય અધિકારી પ્રમુખ સામે જંગે ચડયા હોય એવો ઘાટ ઘડાયો છે. ચોટીલાની નવી હોસ્પિટલના સોનોગ્રાફી મશીન માટે જિલ્લા પંચાયતના પ્રમુખે ભલામણ કરી તો તેની મંજૂરી આપવાના બદલે ખોટુ અર્થઘટન કરી ડોકટરની થાનની બીજી હોસ્પિટલનું મશીન સીલ કરી દીધુ. આ જોતા ચેરમેન હોય કે પ્રમુખનું અધિકારીઓ ગાંઠતા નથી અને જિલ્લાભરના લોકો ભારે મુશ્કેલી ભોગવી રહયા હોવાથી ઈન્ચાર્જ કલેકટર શું કાર્યવાહી કરે છે? એની સામે સૌની નજર મંડાયેલી છે.જિલ્લા પંચાયતમાં લાંબા સમયથી અડીંગો જમાવી બેઠેલા આરોગ્ય વિભાગના પ્રોગ્રામ આસીસટન્ટ ગૌરાંગ જોષી અને સીડીએચઓ સી.બી.ગોહિલ જિલ્લા પંચાયત પ્રમુખ હરેકૃષ્ણભાઇનું પણ ગાંઠતા ના હોય એવી ગંભીર ઘટના સામે આવી છે. ચોટીલામાં માં ચામુંડા હોસ્પિટલમાં નવા સોનોગ્રાફી મશીન માટે અરજી બાદ પ્રમુખે સીડીએચઓ અને પ્રોગ્રામ આસીસ્ટન્ટને જલ્દી કાર્યવાહી પુર્ણ કરવા રૂબરૂ ભલામણ કરી હતી. તો આરોગ્ય વિભાગે નવા મશીનની મંજૂરી આપવાની વાત તો ઠીક આ ડોકટરની થાનની જ બીજી માં ચામુંડા હોસ્પીટલનું કોઇ દર્દીઓના નિવેદનના આધારે ત્યાંનુ સોનોગ્રાફી મશીન સીલ કરી દીધુ. આમ અધિકારીઓ અને નેતાઓની લડાઇમાં થાનગઢ વિસ્તારની સર્ગભા મહિલાઓને ઈમરજન્સી સહિત અન્ય તપાસ માટે અન્ય વિસ્તારમાં રઝળપાટ કરવાનો વારો આવશે. કારણ સરકારી હોસ્પિટલમાં પણ સોનોગ્રાફી મશીનની સુવિધા નથી. માં ચામુંડા હોસ્પીટલમાં સોનોગ્રાફી મશીન હતુ. આવી રીતે કોઇના ઇશારે પીસી-પીએનડીટીનો એકટનો તબીબોને હેરાન કરવા ખોટી રીતે દરુઉપયોગ આરોગ્ય અધિકારી સી. બી. ગોહિલ કરતા હોવાનો ગણગણાટ ચાલી રહયો છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
