Community News & Updates

Stay informed with the latest happenings, achievements, and announcements from our community.

All News

calendar_today January 16, 2026

Vadodara News : વડોદરાના વાઘોડિયામાં કાર અને બાઈક વચ્ચે અકસ્માતમાં 2ના મોત

વડોદરાના હાલોલ રોડ પર અકસ્માતની ઘટના સામે આવી છે જેમાં ઈકો કાર અને બાઈક વચ્ચે અકસ્માત થયો હતો અને અકસ્માતમાં 2ના સારવાર દરમિયાન મોત થયા છે, પોલીસે સમગ્ર મામલે અકસ્માતનો ગુનો નોંધ્યો છે અને તપાસ શરૂ કરી છે, ઈકો કાર લઇ મેડી મદાર ગામનો પરિવાર હાલોલ જઈ રહ્યો હતો. રોડ ક્રોસ કરતી વખતે બની ઘટના ઇકોમાં માતા, પિતા અને પુત્રી જઈ રહ્યા હતા તે દરમિયાન જરોદ પોલીસ સ્ટેશનના હદ વિસ્તારમાં આવેલ રેલીસ હોટલ પાસે આ અકસ્માત સર્જાયો હતો, ઈકો કાર લઇ રોડ ક્રોસ કરતી વખતે બાઈક સાથે સર્જાયો અકસ્માત અને અકસ્માતમાં ઈકો કારમાં સવાર પુત્રી રક્ષાનું મોત થયું છે, તો અકસ્માતમાં બાઈક ચાલકનું પણ સારવાર દરમિયાન મોત થયું છે અને બાઈક પાછળ બેઠેલા લોકોને ઈજા પહોંચી હતી. આ પણ વાંચો : Gandhinagar News : જીવલેણ વાયરસ સામે લડતમાં સુરક્ષા કવચ બનશે ગુજરાતની પ્રથમ BSL-4 લેબ, વાંચો Inside Story

Read Full Story arrow_forward

calendar_today January 16, 2026

Gandhinagar: મુખ્યમંત્રી ભૂપેન્દ્ર પટેલના અધ્યક્ષસ્થાને કલેક્ટર કોન્ફરન્સનો શુભારંભ,અનેક મુદ્દાઓ પર કરાઇ ચર્ચા

ગુજરાતના મુખ્યમંત્રી ભૂપેન્દ્ર પટેલે રાજ્યની વહીવટી પ્રક્રિયાઓને વધુ સરળ, ઝડપી અને લોકાભિમુખ બનાવવાના ઉમદા હેતુથી ગાંધીનગર ખાતે એકદિવસીય કલેક્ટર કોન્ફરન્સનો ઉમંગભેર શુભારંભ કરાવ્યો હતો. આ મહત્વપૂર્ણ બેઠકમાં રાજ્યના તમામ જિલ્લાના કલેક્ટરો, મહેસૂલ વિભાગના ઉચ્ચ અધિકારીઓ અને મુખ્ય સચિવ ખાસ ઉપસ્થિત રહ્યા હતા.ડિજિટલ પ્લેટફોર્મની સમીક્ષા કોન્ફરન્સનો મુખ્ય એજન્ડા મહેસૂલ વિભાગની કામગીરીને ઓનલાઇન અને પારદર્શક બનાવવાનો છે. આ અંતર્ગત i-ORA અને ઇ-ધરા જેવી મહત્વની સિસ્ટમની વર્તમાન કામગીરીની ઝીણવટભરી સમીક્ષા કરવામાં આવી હતી. મુખ્યમંત્રીએ ટેકનોલોજીના માધ્યમથી સામાન્ય નાગરિકોને સરકારી કચેરીઓના ધક્કા ન ખાવા પડે તે દિશામાં વધુ ગતિશીલતા લાવવા સૂચન કર્યુ હતુ. જમીનને લગતા સંકલિત કાયદાઓ અંગે માર્ગદર્શન અપાયું વર્ષોથી ચાલતા જમીનને લગતા પડતર કેસોનો સમયમર્યાદામાં નિકાલ લાવવા માટે વિગતવાર આયોજન ઘડવામાં આવ્યુ હતુ. જમીનને લગતા સંકલિત કાયદાઓ અને નવા ઠરાવો અંગે જિલ્લા કલેક્ટરોને માર્ગદર્શન આપવામાં આવ્યું હતું જેથી કાયદાકીય ગૂંચવણો ઓછી કરી શકાય.મહેસૂલ વિભાગ હેઠળના પ્રગતિ હેઠળના પ્રોજેક્ટ્સ અને આગામી સમયમાં અમલી બનનારી નવી યોજનાઓના રોડમેપ અંગે ચર્ચા કરવામાં આવી હતી. મહેસૂલી સેવાઓનો લાભ છેવાડાના માનવી સુધી પહોંચે મુખ્યમંત્રીએ આ તકે ભારપૂર્વક જણાવ્યું હતું કે, વહીવટી તંત્રના પાયામાં નાગરિક સુવિધા કેન્દ્ર સ્થાને હોવી જોઈએ. કલેક્ટરોએ પોતપોતાના જિલ્લામાં મહેસૂલી સેવાઓનો લાભ છેવાડાના માનવી સુધી પહોંચે તે સુનિશ્ચિત કરવાનું રહેશે. આ કોન્ફરન્સ રાજ્યના વિકાસલક્ષી વહીવટમાં એક નવો પ્રાણ ફૂંકશે તેવી અપેક્ષા રાખવામાં આવી રહી છે.હવેથી દર બુધવારે યોજાશે કલેક્ટર કોન્ફરન્સમુખ્યમંત્રીની અધ્યક્ષતામાં યોજાયેલી કલેક્ટર કોન્ફરન્સને લઇને મહત્વની માહિતી આવી છે. હવેથી દર બુધવારે આવી રીતે કલેક્ટર કોન્ફરન્સ યોજાશે.રાજ્યના મુખ્યસચિવ દર બુધવારે કલેક્ટર્સ સાથે બેઠક કરશે.તમામ કલેક્ટર્સ વીડિયો કોન્ફરન્સથી જોડાશે.મહેસૂલ સચિવ જયંતિ રવિએ કલેકટર્સ કોન્ફરન્સમાં જાહેરાત કરી છે. જિલ્લામાં થયેલી કામગીરીનો દર બુધવારે cs રિપોર્ટ પણ લેવાશે. આ પણ વાંચોઃ Kutch News: ભચાઉમાં આરોપીના ગેરકાયદે દબાણ વિરુદ્ધ કાર્યવાહી, આરોપીનું મકાન કરાયું જમીનદોસ્ત

Read Full Story arrow_forward

calendar_today January 16, 2026

Ahmedabad News : દારૂની મહેફિલ અંગે પોલીસનું મોટું નિવેદન, પાર્ટીમાંથી ઝડપાયેલા તમામ લોકોએ નશો કર્યો હતો...

અમદાવાદના સેન્ટેરિયન વિસ્ટા બિલ્ડિંગમાં યોજાયેલી દારૂની મહેફિલ મામલે અમદાવાદ પોલીસે સત્તાવાર નિવેદન જાહેર કરીને મોટો ખુલાસો કર્યો છે. પોલીસના જણાવ્યા અનુસાર, આ પાર્ટીનું આયોજન બિલ્ડિંગના ફ્લેટ નંબર 502 માં રહેતા કુશલ શાહ નામના યુવકે કર્યું હતું, જે એક ખાનગી કંપનીમાં નોકરી કરે છે. ઉત્તરાયણ પર્વની ઉજવણીના બહાને યોજાયેલી આ મહેફિલમાંથી કુલ 16 લોકોની અટકાયત કરવામાં આવી છે. પોલીસે પુષ્ટિ કરી છે કે, ઝડપાયેલા તમામ શખ્સો સુખી સંપન્ન પરિવારના નબીરાઓ છે અને તબીબી તપાસમાં જાણવા મળ્યું છે કે પાર્ટીમાં હાજર તમામે નશો કર્યો હતો.પાર્ટીમાં સામેલ તમામે કર્યો હતો નશો પોલીસ દ્વારા ઘટનાસ્થળેથી અંદાજે 43 હજાર રૂપિયાનો મુદ્દામાલ કબ્જે કરવામાં આવ્યો છે, જેમાં 10 વિદેશી દારૂની બોટલ અને 11 બિયરના ટીનનો સમાવેશ થાય છે. પોલીસે જણાવ્યું હતું કે, આરોપીઓ ધાબા પર અને ફ્લેટમાં ભેગા થઈને કાયદાનું ઉલ્લંઘન કરી રહ્યા હતા. હાલ તમામ 16 લોકો વિરુદ્ધ પ્રોહિબિશન એક્ટ હેઠળ ગુનો નોંધી કાયદેસરની કાર્યવાહી હાથ ધરવામાં આવી છે. આ હાઈપ્રોફાઈલ ધરપકડ બાદ શહેરમાં ચકચાર મચી ગઈ છે અને પોલીસ હવે દારૂ ક્યાંથી સપ્લાય કરવામાં આવ્યો હતો તે દિશામાં તપાસ કરી રહી છે. આ પણ વાંચો : Kheda News : નડિયાદમાં ઉત્તરાયણ પર્વ બન્યું નશાનું મેદાન, હાથમાં દારૂની બોટલ સાથે યુવકનો Video Viral

Read Full Story arrow_forward