PM Modi Gujarat Visit: સોમનાથમાં વડાપ્રધાન નરેન્દ્ર મોદીનું આગમન: હેલિપેડ પર મુખ્યમંત્રી સહિતના મહાનુભાવોએ કર્યું ભવ્ય સ્વાગત
બાર જ્યોતિર્લિંગમાં પ્રથમ એવા શ્રી સોમનાથ મહાદેવના સાનિધ્યમાં આયોજિત 'સોમનાથ સ્વાભિમાન પર્વ'માં સહભાગી થવા માટે દેશના વડાપ્રધાન નરેન્દ્ર મોદી આજે પવિત્ર યાત્રાધામ સોમનાથ ખાતે આવી પહોંચ્યા હતા. સોમનાથ હેલિપેડ ખાતે વડાપ્રધાન મોદીનું ઉષ્માભર્યું અને ભાવભીનું સ્વાગત કરવામાં આવ્યું હતું. મુખ્યમંત્રી અને મંત્રીમંડળ દ્વારા સ્વાગતવડાપ્રધાન મોદીના આગમન સમયે ગુજરાતના મુખ્યમંત્રી ભૂપેન્દ્ર પટેલે પુષ્પગુચ્છ અર્પણ કરી તેમનું ભાવભીનું સન્માન કર્યું હતું. આ પ્રસંગે ગુજરાત સરકારના નાયબ મુખ્યમંત્રી હર્ષ સંઘવી અને શિક્ષણ મંત્રી ડૉ. પ્રદ્યુમન વાજા પણ ઉપસ્થિત રહ્યા હતા અને વડાપ્રધાન મોદીનું સ્વાગત કર્યું હતું. ઉચ્ચ અધિકારીઓ અને અગ્રણીઓની ઉપસ્થિતિહેલિપેડ ખાતે સ્વાગત સત્કાર કાર્યક્રમમાં માંડવીના ધારાસભ્ય અનિરૂદ્ધભાઈ દવે, કલેક્ટર એન. વી. ઉપાધ્યાય, જિલ્લા પોલીસ અધિક્ષક જયદિપસિંહ જાડેજા, અને અગ્રણી ડૉ. સંજયભાઈ પરમાર સહિતના મહાનુભાવો હાજર રહ્યા હતા. વડાપ્રધાન મોદીના આગમનને પગલે સમગ્ર સોમનાથ વિસ્તારમાં ચુસ્ત પોલીસ બંદોબસ્ત ગોઠવી દેવામાં આવ્યો છે. સોમનાથ સ્વાભિમાન પર્વમાં આપશે હાજરીવડાપ્રધાન નરેન્દ્ર મોદી 'સોમનાથ સ્વાભિમાન પર્વ' અંતર્ગત આયોજિત વિવિધ ધાર્મિક અને સાંસ્કૃતિક કાર્યક્રમોમાં હિસ્સો લેશે. વડાપ્રધાન મોદીની આ મુલાકાતને લઈને શ્રદ્ધાળુઓ અને સ્થાનિક જનતામાં ભારે ઉત્સાહ જોવા મળી રહ્યો છે. તેઓ સોમનાથ મહાદેવના દર્શન અને પૂજા-અર્ચના કરી આ પર્વની શોભા વધારશે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
