Palanpur: હિલ સ્ટેશન માઉન્ટ આબુ તાપમાન માઈનસ 3 ડિગ્રી સાથે ઠંડુગાર બન્યું
રાજસ્થાનના હિલ સ્ટેશન માઉન્ટઆબુમાં તાપમાનનો પારો ગગડીને માયનસ ત્રણ ડીગ્રીએ અટક્યો હતો. જ્યારે ગુરૂશિખર પર તાપમાન માયનસ પ ડીગ્રી નોંધાયુ હતુ. આમ માઉન્ટઆબુ છેલ્લા ત્રણ દિવસથી ઠંડુગાર બન્યુ છે. અને સવારના સુમારે વાસણમાં ભરેલ પાણી બરફ થઈ જાય તેવી કડકડતી ઠંડી જામી છે.રાજસ્થાનના હિલસ્ટેશન માઉન્ટઆબુમાં છેલ્લા ત્રણ દિવસથી હાડ થીજવતી ઠંડી જામી છે.અને તાપમાનનો પારો સતત નીચો જઈ રહ્યો છે.અગાઉ તાપમાન માયનસ બે ડીગ્રી હતુ તેમાં ઘટીને આજે તાપમાનનો પારો માયનસ ત્રણ ડીગ્રીએ અટક્યો હતો.આમ સતત ઠંડીમાં વધારોલ થઈ રહ્યો હોઈ અહીં કાશ્મીર જેવો માહોલ જામ્યો છે.અને શિયાળાની મઝા માણવા આવેલા સહેલાણીઓ વહેલી સવારે પોલીલ ગ્રાઉન્ડમાં બરફના ગોળા બનાવી અને એકબીજા પર ફેંકી અને આનંદ ઉેઠાવી રહ્યા હતા. ત્યારે સવારના સુમારે માઉન્ટઆબુની ખીણ વિસ્તારમાં ધુમ્મસના કારણે આહલાદક દ્રશ્ય સર્જાયા હતા.આથી લોકો ધુમ્મસભર્યા માહોલમાં સેલ્ફી લેતા અને રીલ્સ બનાવવામાં મશગુલ બન્યા હતા.ત્યારે માઉન્ટઆબુમાં સ્થાનિક લોકોએ વાસણમાં ભરી રાખેલ પાણીમાં સવારના સુમારે બરફ જામી જવાના કારણે તેમને બપોર સુધી પાણી ઓગળે ત્યાં સુધી રાહ જોવી પડી હતી.જ્યારે હોટલોમાં સોલાર વોટર હીટર અને બોનફાયરનો સતત ઉપયોગ કરવો પડી રહ્યો છે.ત્યારે દિવસ દરમ્યાન પણ ઠંડીનુ પ્રમાણ વધુ હોવાથી લોકો તાપણીનો સહોર લેતા નજરે પડયા હતા. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
