Community News & Updates

Stay informed with the latest happenings, achievements, and announcements from our community.

All News

calendar_today January 1, 2026

Gujarat News: ગીર સોમનાથના તાલાલામાં ભૂકંપનો આંચકો

ગીર સોમનાથ જિલ્લાના તાલાલા પંથકમાં આજે ફરી એકવાર ધરતી ધ્રૂજવાની ઘટના સામે આવી છે. વહેલી સવારે 3.59 કલાકે તાલાલા અને તેની આસપાસના ગ્રામ્ય વિસ્તારોમાં ભૂકંપનો આંચકો અનુભવાયો હતો. રિક્ટર સ્કેલ પર આ ભૂકંપની તીવ્રતા 2.6 નોંધાઈ છે. આંચકો હળવો હોવા છતાં, શાંત વાતાવરણમાં અનુભવાયેલા કંપનને કારણે અનેક લોકો ગભરાઈને ઘરની બહાર દોડી આવ્યા હતા. વહેલી સવારના સમયે આવેલા આ આંચકાને કારણે પંથકમાં ચર્ચાનો વિષય બન્યો છે. ભૂકંપનું કેન્દ્રબિંદુ તાલાલાથી અંદાજે 23 કિલોમીટર દૂર નોંધાયું ગાંધીનગર સ્થિત સિસ્મોલોજી સેન્ટરના જણાવ્યા અનુસાર, આ ભૂકંપનું કેન્દ્રબિંદુ તાલાલાથી અંદાજે 23 કિલોમીટર દૂર નોંધાયું છે. 2.6ની તીવ્રતાનો આંચકો સામાન્ય રીતે હળવો ગણાય છે, જેના કારણે અત્યાર સુધી કોઈ જાન-માલના નુકસાનના સમાચાર પ્રાપ્ત થયા નથી. ઉલ્લેખનીય છે કે, ગીર સોમનાથ અને તાલાલા પંથકમાં અવારનવાર નાના આંચકા અનુભવાતા રહે છે, જેની પાછળ સ્થાનિક ફોલ્ટ લાઈન જવાબદાર હોવાનું નિષ્ણાંતો માની રહ્યા છે. હાલમાં તંત્ર દ્વારા સ્થિતિ પર નજર રાખવામાં આવી રહી છે.

Read Full Story arrow_forward

calendar_today January 1, 2026

Banaskantha: આકસ્મિક દરોડામાં ખનીજચોરી કરતાં 13 વાહનો જપ્ત, 32 લાખનો દંડ ફટકારાયો

બનાસકાંઠા જિલ્લા કલેકટર મિહિર પટેલના માર્ગદર્શન હેઠળ પાલનપુર ભૂસ્તરશાસ્ત્રીની કચેરી દ્વારા અલગ અલગ જગ્યાએ ટીમો બનાવી આકસ્મિક રેઇડ કરી ખનીજચોરી કરતા ૧૩ વાહનો જપ્ત કરવામાં આવ્યા અને ૩૨ લાખની દંડની કાર્યવાહી કરવામાં આવી છે.આ કાર્યવાહી અંતર્ગત વડા તા.ઓગડ ખાતેથી ૫ ડમ્પર સાદી રેતી ખનીજ રોયલ્ટી પાસ વગર વહન કરતા સીઝ કરી જપ્ત કરી અને આ મુદામાલ થરા પોલીસ સ્ટેશન ખાતે રાખવામાં આવેલ છે. ૧૨૬ કરોડની મહેસુલી આવક ઉભી કરાઈ અમીરગઢ તાલુકાના ચીકણવાસ ખાતેથી બિનઅધિકૃત ખનન કરતું એકસેવેટર મશીન જપ્ત કરવામાં આવ્યું છે તથા કાંકરેજ તાલુકાના આંગણવાડા ખાતેથી બિનઅધિકૃત સંગ્રહ સાથે સંકળાયેલ ૦૧ લોડર અને ૦૨ વાહન સહીત ૭૦ લાખનો મુદ્દામાલ જપ્ત કરી ૦૭ લાખની દંડની વસુલાતની કાર્યવાહી હાથ ધરવામાં આવી છે. જિલ્લા ભૂસ્તરશાસ્ત્રી ગુરપ્રીતસિંહ સારસ્વાના નેતૃત્વમાં બનાસકાંઠા જિલ્લામાં માત્ર ૦૯ માસમાં જ બિન અધિકૃત ખનન, વહન, સંગ્રહના ૯૪૧ કેસો ઝડપી પાડીને ૧૮ કરોડથી વધુની વસુલાત કરી છે અને જીલ્લાની ચાલુ વર્ષમાં જ ૧૨૬ કરોડની મહેસુલી આવક ઉભી કરાઈ છે.આ પણ વાંચોઃ Ahmedabad:શેરબજારમાં રોકાણના નામે ફ્રોડમાં EDની કાર્યવાહી, ગોલ્ડ અને સિલ્વર સહિત રોકડ જપ્ત કરાઈ

Read Full Story arrow_forward

calendar_today January 1, 2026

Mahisagar: ઉત્તરાયણ પૂર્વે પોલીસનો સપાટો, ટીમ્બા મહોલ્લામાંથી 36,000ની પ્રતિબંધિત ચાઈનીઝ દોરી ઝડપાઈ

મહીસાગર જિલ્લામાં ઉત્તરાયણના તહેવારને આડે હવે ગણતરીના દિવસો બાકી છે ત્યારે જીવલેણ ચાઈનીઝ દોરીનું વેચાણ કરનારાઓ સામે પોલીસે લાલ આંખ કરી છે. બાલાસિનોર ટાઉન પોલીસે બાતમીના આધારે ટીમ્બા મહોલ્લામાં દરોડો પાડી ₹36,000ની કિંમતના ચાઈનીઝ દોરીના 48 ફીરકા સાથે એક આરોપીને ઝડપી પાડ્યો છે.ચાઈનીઝ દોરીના ફીરકા સાથે આરોપીની ધરપકડજિલ્લા પોલીસ વડા સફીન હસન અને નાયબ પોલીસ વડા કમલેશ વસાવા દ્વારા જાહેરનામાના ભંગ બદલ ચાઈનીઝ દોરીનું વેચાણ કરનારાઓ સામે કડક કાર્યવાહી કરવા આદેશ અપાયા હતા. જેના પગલે બાલાસિનોર પીઆઈ એ.એન. નિનામાના માર્ગદર્શન હેઠળ પોલીસની ટીમ સતત વોચમાં હતી. 1 જાન્યુઆરી 2026ના રોજ બાલાસિનોર ટાઉન પોલીસના કોન્સ્ટેબલ રાજેન્દ્રસિંહને મળેલી ચોક્કસ બાતમીના આધારે પોલીસે ટીમ્બા મહોલ્લામાં મહંમદ વાકીફ મેહબુબમિયા મલેકના ઘરે દરોડો પાડ્યો હતો. ઘરની ઉપરની ઓરડીમાં તપાસ કરતા પૂંઠાના બોક્સમાં છુપાવેલા પ્રતિબંધિત ચાઈનીઝ દોરીના 48 નંગ ફીરકા મળી આવ્યા હતા.મુદ્દામાલ સાથે આરોપીની ધરપકડપોલીસે સ્થળ પરથી ₹36,000ની કિંમતની જીવલેણ દોરીનો જથ્થો કબજે કરી આરોપી મહંમદ વાકીફની ધરપકડ કરી છે. આરોપી વિરુદ્ધ જાહેરનામાના ભંગ બદલ કાયદેસરની કાર્યવાહી હાથ ધરવામાં આવી છે. ઉલ્લેખનીય છે કે, ચાઈનીઝ દોરી પક્ષીઓ અને માનવીઓ માટે જીવલેણ સાબિત થતી હોવાથી તેના વેચાણ અને વપરાશ પર સખ્ત પ્રતિબંધ લાદવામાં આવ્યો છે.આ પણ વાંચો:ડેસર-ગળતેશ્વર બ્રિજ ફરી ભારે વાહનો માટે બંધ, હજારો લોકોની રોજીરોટી છીનવાતા ક્વોરી સંચાલકો અને સ્થાનિકોનો હોબાળો

Read Full Story arrow_forward