Community News & Updates

Stay informed with the latest happenings, achievements, and announcements from our community.

All News

calendar_today January 2, 2026

Gandhinagar: સેક્ટર-10 એક્ઝિબિશન સેન્ટરનો પાંચ કરોડથી વધુનો ઘરવેરો ભરવાનો બાકી

સેક્ટર-10માં આવેલા એક્ઝિબિશન સેન્ટરનો પાંચ કરોડ ઉપરાંતનો પ્રોપર્ટી ટેક્ષ બાકી બોલે છે. પાંચ વર્ષથી પણ વધુ સમયથી પ્રોપર્ટી ટેક્ષ ભરવામાં આવ્યો નથી.કોર્પોરેશન દ્વારા બાકીદારોને નોટિસ ફટકારવામાં આવી છે તે રીતે એક્ઝિબિશન સેન્ટરના બાકી વેરા વસુલી માટે પણ નોટિસ બજાવવામાં આવી છે. મિલકત વેરાની પાંચ કરોડ જેટલી મોટી રકમની વસુલાત કરવાની હોવાથી તંત્ર પણ નોટિસ પછીની પ્રક્રિયા માટે રાહ જોઈને બેઠું છે. સેક્ટર-10 સ્થિત એક્ઝિબિશન સેન્ટરનું સંચાલન આમ ઈન્ડેક્સ-બી કરે છે, ઈન્ડેક્સ-બીએ એક્ઝિબિશન સેન્ટર કે એન્ડ ડી કોમ્યુનિકેશનને કોન્ટ્રાક્ટ બેઝથી આપ્યો હોવાની વિગત છે. પાંચ વર્ષથી આ એજન્સીએ એક્ઝિબિશન સેન્ટરનો મિલકતવેરો ભર્યો નથી. ગત વર્ષે જેમ તેમ કરીને વેરાની કુલ બાકી રકમમાંથી 40 લાખની વસૂલાત આવી શકી હતી. એ પછી પણ પાંચ કરોડ જેટલી જંગી રકમ વેરાની બાકી બોલે છે. પ્રતિ વર્ષ 75 લાખનું પ્રોપર્ટી ટેક્ષનું બિલ બને છે. કરોડોની લેણી નીકળતી રકમમાંથી માંડ 40 લાખ કોર્પોરેશનની તિજોરીમાં આવી શક્યા હતા. ત્યાં બાકી વેરાની રકમમાં બીજી વધુ રકમનો ઉમેરો થઈ જવા પામ્યો છે. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 2, 2026

Gandhinagar: ગાંધીનગરમાં નિવૃત્ત ભૂસ્તરશાસ્ત્રીને ડિજિટલ એરેસ્ટ કરી ગઠિયાએ 40લાખ પડાવી લીધા

ગાંધીનગરના નિવૃત્ત ભૂસ્તરશાસ્ત્રી ડિજિટલ એરેસ્ટનો શિકાર બન્યા છે. સાયબર ગઠિયાઓએ તેઓને સતત દસ દિવસ સુધી ડિઝીટલ એરેસ્ટ રાખી તેમનું બેંક એકાઉન્ટ સાફ કરી નાખી 40 લાખ જેટલી મરણમૂડી ઓહિયા કરી ગયા હતા.આ મામલે ગાંધીનગર સે.3 સીમાં રહેતા અબુબક્ર મન્સબઅલી મોહમ્મદે અજાણ્યા સાયબર ગઠિયાઓ સામે ફરિયાદ નોંધાવી છે. અબુબક્ર નિવૃત્ત ભુસ્તરશાસ્ત્રી છે. તેઓને ગત તા. 10 નવેમ્બરના રોજ અજાણ્યા નંબર પરથી ફોન આવ્યો હતો. ત્યારથી લઇને 19 તારીખ સુધી સાયબર ગઠિયાઓએ ડિઝીટલ એરેસ્ટ રાખ્યા હતા. પ્રારંભમાં તેઓના આધારકાર્ડના આધારે મોબાઇલ રજિસ્ટ્રેશન થયુ હોવાનું જણાવી આ નંબર પરથી અનેક લોકોને ધમકી આપવામાં આવી હોવાની વાત કરવામાં આવી હતી. આ વાત ટ્રાયના અધિકારી તરીકે ઓળખ આપનાર અરૂણ યાદવ નામના શખસે કરી હતી. અબુબક્રે આ પ્રકારનો નંબર તેનો નહી હોવાનું જણાવતા તેઓને આ મામલે મુંબઇ ક્રાઇમ બ્રાંચમાં ફરિયાદ કરવાનું કહેવાયુ હતું. બાદમાં વૃદ્ધને ડરાવતા તેઓએ પોતાના આઇસીઆઇસીઆઇ બેંકમાં રહેલા 40 લાખની કિંમતના શેર અને મ્યુચ્યુઅલ ફંડની પણ વિગતો આપી દીધી હતી. તેઓને ઓનલાઇન નકલી સુપ્રિમ કોર્ટમાં રજુ કરવામાં આવ્યા હતા. સુપ્રિમ કોર્ટના સિક્કાવાળો ઓર્ડર મોકલી તેમાં દર્શાવેલા બેંક એકાઉન્ટમાં પૈસા જમા કરાવવાનું કહેતા અબુબક્રે તે પ્રમાણે બેંકમાં જમા થયેલા 40 લાખ આરટીજીએસથી ટ્રાન્સફર કરી દીધી હતી. ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 2, 2026

Gandhinagar: ગાંધીનગરમાં ઠંડીનો પારો ત્રણ ડિગ્રી ગગડી 13.5 ઉપર અટક્યો

ગાંધીનગરમાં ઠંડીની વધઘટના સિલસિલામાં 24 કલાકમાં જ લઘુત્તમ તાપમાનમાં 3 ડિગ્રીનો ઘટાડો થયો હતો.લઘુત્તમ તાપમાન ઘટાડા સાથે 13.5 ડિગ્રી નોંધાતા ઠંડીનો ચમકારો થયો હતો. બીજી તરફ મહત્તમ તાપમાન પણ 1.4 ડિગ્રીના ઘટાડા સાથે 27 ડિગ્રી ઉપર અટક્યું હતુ. ગાંધીનગર સહિત રાજ્યમાં વેસ્ટર્ન ડિસ્ટર્બન્સની અસર ઘટતા જ હવે કાતિલ ઠંડી પડવાની સંભાવના જોવાઈ રહી છે. વેસ્ટર્ન ડિસ્ટર્બન્સની અસરથી રાજ્યના હવામાનમાં પલટો આવ્યો હતો, જેને પગલે ગાંધીનગરમાં પણ ભર શિયાળે બે દિવસ વાદળછાયુ વાતાવરણ રહ્યું હતું. બુધવારે ઠંડીનો પારો 13 ડિગ્રી નોંધાયા બાદ ગઈકાલે ગુરૂવારે 3.5 ડિગ્રીના વધારા સાથે લઘુત્તમ તાપમાન 16.5 ડિગ્રી રહ્યું હતુ. જોકે હવે વેસ્ટર્ન ડિસ્ટર્બન્સની અસર ઘટતા ફરી ઠંડીનો પારો ગગડયો છે. 24 કલાકમાં જ 3 ડિગ્રીના ઘટાડા સાથે ઠંડીનો પારો 13.5 ડિગ્રી ઉપર રહ્યો હતો. વેસ્ટર્ન ડિસ્ટર્બન્સની અસર દૂર થતાં જ હવે ઉત્તર તરફના સીધા પવનો શરૂ થાય તેમ છે. જેને પગલે હવે ગાંધીનગર સહિત રાજ્યભરમાં કાતિલ ઠંડી શરૂ થવાની શક્યતા છે. જેમાં ખરો શિયાળો હવે જામે તેવું હવામાન નિષ્ણાંતો માની રહ્યાં છે. વાદળો દૂર થતાં ભેજનું પ્રમાણમાં ઘટયું છે, ગુજરાતના વધુ સમાચાર વાંચવા માટે ક્લિક કરો

Read Full Story arrow_forward