Ahmedabad News : ગુજરાત હાઈકોર્ટની સરકારને ફટકાર, કન્ટેમટ પીટીશનમાં સેક્રેટરીને કોર્ટના આકરા સવાલ
ગુજરાત હાઈકોર્ટે રાજ્ય સરકારના વહીવટી તંત્રની શિથિલતા અને કોર્ટના આદેશોની અવગણના કરવા બદલ સરકારી બાબુઓનો જોરદાર ઉધડો લીધો છે. એક વન કર્મચારીને તેનો બાકી પગાર ચૂકવવા માટે હાઈકોર્ટે અગાઉ સ્પષ્ટ હુકમ કર્યો હતો, તેમ છતાં મહિનાઓ વીતી ગયા છતાં વહીવટી મંજૂરીના બહાને કર્મચારીને નાણાં ચૂકવવામાં આવ્યા નહોતા. આ મામલે થયેલી કન્ટેમટ ઓફ કોર્ટ (અદાલતની અવમાનના) પીટીશનની સુનાવણી દરમિયાન હાઈકોર્ટ લાલઘૂમ થઈ હતી અને જવાબદાર અધિકારીઓ પાસેથી લેખિત ખુલાસો માંગ્યો છે.હાઈકોર્ટ લાલઘૂમ કોર્ટે ખાસ કરીને નાણા વિભાગની કાર્યશૈલી પર વેધક સવાલો ઉઠાવતા ફાયનાન્સ સેક્રેટરીને પૂછ્યું હતું કે, "શું નાણા વિભાગ હાઈકોર્ટના હુકમની કોઈ કદર કરતું નથી? શું વિભાગ આદેશ છતાં પગાર ચૂકવવાની અનુમતિ આપતું નથી?" હાઈકોર્ટે સ્પષ્ટ ચીમકી આપી છે કે અદાલતના આદેશોનું પાલન કરવું એ કોઈ વિકલ્પ નથી પણ ફરજ છે. જો આગામી સમયમાં યોગ્ય અમલવારી નહીં થાય, તો જવાબદાર અધિકારીઓ સામે કડક કાયદાકીય પગલાં લેવામાં આવશે તેવી ઝાટકણી કાઢતા સરકારી આલમમાં ફફડાટ વ્યાપી ગયો છે. આ પણ વાંચો : Ahmedabad News : ગુજરાત યુનિવર્સિટીમાં શોક, NSS કેમ્પમાં આવેલી વિદ્યાર્થિનીએ હોસ્ટેલમાં કર્યો આપઘાત
Read Full Story arrow_forward
