Community News & Updates

Stay informed with the latest happenings, achievements, and announcements from our community.

All News

calendar_today January 29, 2026

Ahmedabad: ઝીંઝુવાડામાં શ્રી શાંતિનાથ ભગવાનના જિનાલયનો 21મો સાલગીરા મહોત્સવ હર્ષોલ્લાસભેર ઉજવાયો

ઝાલાવાડમાં ઉર્જા તીર્થ સમા ઝીંઝુવાડા ગામની ધરા ઉપર પન્યાસ ભગવંત ધર્મઘોષવિજય મ. સા, ઝીંઝુવાડાનું રત્ન મુનિરાજ હિરસાગરવીજય મ.સા. આદિ સાધુ સાધ્વી ભગવંતોની નિશ્રામાં જિનાલયનો 21મો સાલગીરા મહોત્સવ ઉજવાયો હતો. ઝીંઝુવાડા જૈન સંઘના યુવા કાર્યકર ઉત્પલ દોશીના જણાવ્યા અનુસાર અનેક આચાર્ય ભગવંતોની જન્મભૂમિ એવા આ ઉર્જાતીર્થમાં દર વર્ષે મહા સુદ 10ના દિવસે અનેક શહેરોમાંથી વતનપ્રેમી પરિવારો જિનાલયની સાલગીરા રંગેચંગે ઉજવવા પધારે છે અને આ વર્ષે પણ એજ હર્ષોલ્લાસની સાથે મહોત્સવ ઉજવાયો હતો.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 29, 2026

Bavla: ખાડે ગયેલા પાલિકા તંત્રને લઈ છ મહિનાથી ગટર અને ખાડાઓના કારણે જનતા નર્કાગારમાં જીવવા મજબૂર

બાવળામાં છેલ્લાં છ માસથી સમસ્યાઓનો ડુંગર ખડકાયો છે. ચોમાસુ વિત્યાને અડધું વર્ષ પસાર થઈ ચૂક્યુ હોવા છતાં પાલિકા તંત્ર ઉંઘતું હોય તેમ શહેરીજનોને લાગી રહ્યું છે. કારણ શહેરના હાર્દસમા મુખ્ય માર્ગોથી લઈને સોસાયટીઓના અંદરના માર્ગો ગટરના દૂષિત પાણીથી ભરેલા છે. જેના કારણે સ્થાનિક રહીશો ત્રાહિમામ પોકારી ઉઠયા છે. નગરપાલિકાની બેદરકારીની હદ તો ત્યારે જોવા મળી જ્યારે એસ.એમ.પટેલ સ્કૂલ જેવા શૈક્ષણિક સંકુલની આસપાસ પણ ગટરના પાણી ઉભરાઈ રહ્યા છે. શાળાએ જતાં ભૂલકાઓ અને તેમના વાલીઓને રોજબરોજ દુર્ગંધયુક્ત ગંદા પાણીમાંથી પસાર થવું પડે છે. રોડ રિપેર કરવાના બહાને ખોદકામ કર્યા પછી કામ અધૂરું મૂકી દેવાતા વાહનચાલકો અને રાહદારીઓની મુશ્કેલીઓ બમણી થઈ છે. ત્યારે ઉચ્ચકક્ષાએ પાલિકા તંત્રને જગાડીને સત્વરે કાર્યવાહી થાય તેમ સ્થાનિકો ઈચ્છી રહ્યા છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today January 29, 2026

Dholka: ચલોડા ગામની શ્રી સી.બી.પટેલ વિદ્યાવિહારમાં પ્રજાસત્તાક પર્વની ઉજવણી

ધોળકા તાલુકાની ચલોડા ગામની શ્રી સી. બી. પટેલ વિદ્યાવિહાર ચલોડા ખાતે 77માં પ્રજાસત્તાક દિનની ઉજવણી અને સરકારી - પોલીસ ખાતામાં પસંદગી પામેલ શાળાના ભૂતપૂર્વ વિદ્યાર્થીઓનું સન્માન કરવામાં આવ્યું હતુ. રાષ્ટ્રીય પર્વની સમારોહમાં વાઘેલા જયદેવ રઘુવીરસિંહ, રબારી શૈલેષભાઇ લાલજીભાઈ, રાઠોડ સોનલબેન રાજેશભાઈ અને ભરવાડ અનિકેત તેમજ એસબીઆઈ બેંકમાં પસંદગી પામેલ સ્મિતાબેન હરિભાઈ સોયંતરને શ્રી ચલોડા ગ્રુપ કેળવણી મંડળનાં સભ્યો દ્વારા સન્માનિત કરવામાં આવ્યાં. ગામ, સમાજ, કુટુંબ અને શાળાનું ગૌરવ વધારવા બદલ આ ભૂતપૂર્વ વિદ્યાર્થીઓને બિરદાવવામાં આવ્યાં. સમસ્ત શાળા પરિવાર અને ગ્રામજનોએ સન્માનિત વિદ્યાર્થીઓને ખૂબ ખૂબ અભિનંદન પાઠવ્યા. વિશેષરુપે શાળા પરિવારે ભવિષ્યમાં નિષ્ઠાપૂર્વક કામગીરી કરવા માટે શુભકામના પાઠવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward