Rajkot News : ઘેડના ખેડૂતો માટે ખુશીના સમાચાર, રવિ સીઝન માટે ભાદર-2 ડેમમાંથી છોડાયું પાણી
ઘેડ વિસ્તારના ખેડૂતો માટે રવિ સીઝનની શરૂઆતમાં જ મોટા અને આનંદના સમાચાર સામે આવ્યા છે. રવિ પાકને સિંચાઈ માટે પૂરતું પાણી મળી રહે તે હેતુથી ભાદર-2 ડેમમાંથી નદીમાં પાણી છોડવાનો નિર્ણય લેવામાં આવ્યો છે. આ પાણી છોડવાને કારણે ઘેડ પંથકના અનેક ગામોના ખેડૂતોને સીધો ફાયદો થશે. ખાસ કરીને ચણા, ઘઉં, જીરુ અને લસણ જેવા મહત્વના રવિ પાકોને સમયસર પાણી મળી રહેતા ખેડૂતોમાં ભારે ખુશી જોવા મળી રહી છે અને પાકના ઉત્પાદનમાં વધારો થવાની આશા સેવાઈ રહી છે.ખેડૂતોમાં આનંદની લહે ડેમમાંથી પાણી છોડવામાં આવતા ભાદર નદીમાં પાણીનો પ્રવાહ વધ્યો છે, જેને પગલે તંત્ર દ્વારા સાવચેતીના પગલાં લેવામાં આવ્યા છે. સિંચાઈ વિભાગ અને સ્થાનિક તંત્ર દ્વારા નદી કાંઠાના ગામોને એલર્ટ કરવામાં આવ્યા છે અને લોકોને નદીના પટમાં કે નીચાણવાળા વિસ્તારોમાં અવર-જવર ન કરવા સખત સૂચના આપવામાં આવી છે. રવિ સીઝન દરમિયાન પાણીની ખેંચ ન પડે તે માટે લેવાયેલા આ નિર્ણયથી ઘેડ વિસ્તારની આર્થિક કરોડરજ્જુ સમાન ગણાતી ખેતીને મોટું બળ મળશે. આ પણ વાંચો : Vadodara માં ‘ભૂવા’ રાજ, અટલાદરા ચેકપોસ્ટ પાસે રોડ બેસી જતાં કાર ખાડામાં ગરકાવ!
Read Full Story arrow_forward
