Rajkot News: પડધરીમાં તરખાટ મચાવતી દાહોદની ‘ચડ્ડી બનિયાન ગેંગ’નો થયો પર્દાફાશ
રાજકોટ LCBએ એક ચોંકાવનારા કૌભાંડનો પર્દાફાશ કરીને પડધરી પંથકમાં કારખાનાઓને નિશાન બનાવતી કુખ્યાત ચડ્ડી બનિયાન ગેંગના બે સાગરીતોને ઝડપી પાડ્યા છે. આ ગેંગની ધરપકડથી ચોરીના ત્રણ જેટલા અનડિટેક્ટ ગુનાઓનો ભેદ ઉકેલાયો છે. પોલીસ તપાસમાં આ ગેંગની ચોરી કરવાની પદ્ધતિ ખૂબ જ વિચિત્ર અને આયોજનબદ્ધ હોવાનું સામે આવ્યું છે. મૂળ દાહોદની આ ગેંગના સભ્યો દિવસ દરમિયાન પડધરી કોર્ટમાં પોતાના જૂના કેસોના કામે હાજરી આપવા આવતા હતા.દિવસે કોર્ટના કામે આવતા અને રાત્રે ચોરી કરતા હતા દિવસ દરમિયાન તેઓ રેકી કરીને જે-તે વિસ્તારના કારખાનાઓ નક્કી કરતા અને રાત્રિના સમયે ચડ્ડી બનિયાન ગેંગના વેશમાં ચોરીની ઘટનાને અંજામ આપી ફરાર થઈ જતા હતા. પડધરી તાલુકાના કારખાનાઓમાં સતત વધતી ચોરીની ઘટનાઓને પગલે રૂરલ ક્રાઈમ બ્રાન્ચની ટીમે પેટ્રોલિંગ અને સીસીટીવી ફૂટેજની તપાસ તેજ કરી હતી. જેમાં બાતમીના આધારે આ ગેંગના બે શખ્સોની ધરપકડ કરવામાં આવી છે. 6 આરોપી હજુ ફરાર, 3 ગુનાનો ભેદ ઉકેલાયોજોકે આ ગેંગના અન્ય 6 શખ્સો હજુ પણ પોલીસ પકડથી દૂર છે, જેમને પકડવા માટે પોલીસે અલગ-અલગ ટીમો બનાવી શોધખોળ આદરી છે. આ ગેંગ ઝડપાતા પડધરી અને આસપાસના ઔદ્યોગિક વિસ્તારોમાં કારખાનેદારોએ રાહતનો શ્વાસ લીધો છે. પોલીસ હવે એ દિશામાં તપાસ કરી રહી છે કે આ ગેંગે અન્ય કયા વિસ્તારોમાં આ પ્રકારની ચોરી કરી છે. ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
