Stay informed with the latest happenings, achievements, and announcements from our community.
ગુજરાત અને દેશ દુનિયાના સમાચાર સંદેશ ન્યૂઝના આ ન્યૂઝ બ્લોગ પર ક્લિક કરીને વાંચી શકશો. 23ઓક્ટોબરના બ્રેકીંગ ન્યૂઝ વાંચવા માટે આ પેજ પર બનેલા રહો અને રિફ્રેશ કરતા રહો
Read Full Story arrow_forward
ભાવનગર જિલ્લાના મહુવા ખેતીવાડી ઉત્પન્ન બજાર સમિતિ (APMC) માં ચાલુ સિઝનમાં મગફળીની ઐતિહાસિક અને રેકોર્ડબ્રેક આવક નોંધાઈ છે. લાભપાંચમ અને તહેવારોના દિવસો નજીક આવતાં જ આસપાસના ગ્રામ્ય વિસ્તારોમાંથી ખેડૂતો પોતાના તૈયાર પાકને લઈને યાર્ડમાં ઉમટી પડ્યા હતા. એક જ દિવસમાં મગફળીની 56,000 બોરી (આશરે 1 લાખ મણ) થી વધુની તોતિંગ આવક થતાં સમગ્ર માર્કેટ યાર્ડનું પરિસર મગફળીના ઢગલાઓથી છલકાઈ ગયું હતું. મગફળીની આવકની દ્રષ્ટિએ મહુવા યાર્ડ હાલ સમગ્ર સૌરાષ્ટ્રમાં ગોંડલ અને રાજકોટ બાદ ત્રીજા ક્રમે પહોંચી ગયું છે. બીજી તરફ, સંતોષકારક અને ઊંચા બજારભાવ મળતાં જગતના તાતમાં પણ ખુશીની લહેર જોવા મળી રહી છે.મહુવા APMC માં મગફળીની આવક મહુવા માર્કેટ યાર્ડના મુખ્ય પ્લેટફોર્મ, શેડ અને ખુલ્લા મેદાનો મગફળીની ગુણીઓ અને ઢગલાઓથી સંપૂર્ણપણે ભરાઈ જતાં પગ મૂકવાની પણ જગ્યા બચી નહોતી.પરિસ્થિતિને નિયંત્રણમાં લેવા માટે યાર્ડ વહીવટી તંત્ર દ્વારા વધારાની મગફળીનો જથ્થો ઉતારવા માટે તાકીદે દેવળિયા ખાતે વિશેષ વ્યવસ્થા ઊભી કરવામાં આવી હતી.ટ્રાફિક જામ અને અવ્યવસ્થા ન સર્જાય તે માટે તંત્ર દ્વારા આગામી સત્તાવાર જાહેરાત કે નવી સૂચના ન મળે ત્યાં સુધી મગફળીની નવી આવક સ્વીકારવાનું સંપૂર્ણપણે મોકૂફ રાખવામાં આવ્યું છે.ખેડૂતોને હાલાકી ન ભોગવવી પડે તે હેતુથી જ્યાં સુધી હાલના જથ્થાની હરાજી અને નિકાલ ન થાય ત્યાં સુધી યાર્ડમાં નવો માલ ન લાવવા સ્પષ્ટ અપીલ કરાઈ છે.ગુણવત્તા મુજબ મગફળીના રેકોર્ડબ્રેક ભાવયાર્ડમાં ચાલેલી જાહેર હરાજીમાં વિવિધ જાતોના બોલાયેલા ભાવ (પ્રતિ મણ / ૨૦ કિલો),66 નંબર મગફળી: ઊંચી ગુણવત્તા અને તેલના ઊંચા ટકાવારીના કારણે સૌથી વધુ ₹2,260 પ્રતિ મણ સુધીનો સર્વોચ્ચ ભાવ બોલાયો હતો.ખેડૂતોને 20 નંબર મગફળીના સારા લોટ માટે ₹૧,૬૮૦ પ્રતિ મણ નો ભાવ મળ્યો હતો.39 નંબરની જાતમાં પણ સારો ઉપાડ રહેતાં ₹1,660 પ્રતિ મણ સુધીના સોદા થયા હતા.
Read Full Story arrow_forward
અંકલેશ્વરમાંથી પસાર થતા નેશનલ હાઇવે 48 (NH-48) પર નિલેશ ચોકડી પાસે એક ગંભીર અકસ્માત સર્જાયો છે. સુરતથી વડોદરા તરફ જઈ રહેલું એક ઓવરહાઇટ કન્ટેનર નિલેશ ચોકડી ઓવરબ્રિજ નીચેથી પસાર થતી વખતે બ્રિજના ગર્ડર સાથે ધડાકાભેર અથડાયું હતું. ટક્કર એટલી જોરદાર હતી કે બ્રિજનો સ્લેબ તૂટી ગયો હતો અને અંદર રહેલા લોખંડના સળિયા બહાર દેખાવા લાગ્યા હતા. બ્રિજને મોટું સ્ટ્રક્ચરલ નુકસાન પહોંચતાં તકેદારીના ભાગરૂપે પ્રતિન ચોકડીથી GIDC તરફ વાહનો લઈ જતો આખો ઓવરબ્રિજ તાત્કાલિક અસરથી બંધ કરી દેવાયો છે, જેના પગલે નેશનલ હાઇવે સહિત આસપાસના એપ્રોચ રોડ પર વાહનોની લાંબી કતારો લાગી ગઈ હતી.બ્રિજને ભારે નુકસાન થતા સળિયા ખુલ્લા થઈ ગયાસુરત તરફથી માલ ભરીને વડોદરા તરફ પૂરઝડપે જઈ રહેલું કન્ટેનર નિલેશ ચોકડી બ્રિજની ઊંચાઈની મર્યાદા વટાવીને નીચેથી ઘૂસતાં ઉપરના ભાગે ફસાઈ ગયું હતું.ટક્કરના કારણે બ્રિજના પાયા અને બીમનો કોંક્રિટ ભાગ તૂટીને નીચે પડ્યો હતો, જેના કારણે કોંક્રિટની અંદર રહેલા લોખંડના સળિયા ખુલ્લા થઈ ગયા છે.અકસ્માત સમયે સદનસીબે બ્રિજ નીચેથી કોઈ નાનું વાહન કે રાહદારી પસાર ન થતાં મોટી જાનહાનિ ટળી હતી.ઘટનાની જાણ થતાં જ નોટિફાઇડ એરિયા ઓથોરિટી, ડીપીએમસી (DPMC) અંકલેશ્વર અને સ્થાનિક પોલીસનો કાફલો સ્થળ પર દોડી ગયો હતો અને ક્રેનની મદદથી કન્ટેનરને બહાર કાઢવાની કવાયત હાથ ધરી હતી.પ્રતિન ચોકડીથી GIDC જોડતો માર્ગ બંધઅકસ્માતને પગલે ઓવરબ્રિજ પર કોઈ જોખમ ન સર્જાય તે માટે તંત્રે પ્રતિન ચોકડીથી GIDC ને જોડતો ઓવરબ્રિજ વાહનવ્યવહાર માટે તાકીદે બંધ કરી દીધો છે.અંકલેશ્વર ઔદ્યોગિક વસાહતમાં નોકરી અને ધંધાર્થે જતા હજારો કામદારો અને વાહનચાલકો રસ્તા વચ્ચે અટવાઈ પડ્યા હતા.હાઇવે પર ટ્રાફિક વ્યવહાર પ્રભાવિત થતાં વાહનોને વૈકલ્પિક આંતરિક રસ્તાઓ પર ડાયવર્ટ કરવાની ફરજ પડી હતી. આ અગાઉ પણ ઘટનાઓ બની છતાં બોધપાઠ કેમ નહીં?સ્થાનિકો અને વાહનચાલકો દ્વારા તંત્ર સામે ઊભા કરાયેલા વેધક પ્રશ્નો.આ અગાઉ પણ આ જ સ્થળે બ્રિજ નીચે કન્ટેનર ભટકાવાની ઘટનાઓ બની ચૂકી છે, છતાં નેશનલ હાઇવે ઓથોરિટી (NHAI) દ્વારા ઊંચાઈ માપક (હાઈટ બેરિયર) કેમ લગાવવામાં આવ્યા નથી? સરકારી સંપત્તિને ગંભીર નુકસાન પહોંચાડવા અને હજારો નાગરિકોના જીવ જોખમમાં મૂકવા બદલ બેદરકાર કન્ટેનર ચાલક સામે પોલીસ કડક ગુનો નોંધી વળતર વસૂલશે કે કેમ? બ્રિજના સળિયા ખુલ્લા થઈ ગયા હોવાથી ટેકનિકલ નિષ્ણાતો દ્વારા તેનું તાત્કાલિક સેફ્ટી ઓડિટ કરાવી મજબૂતીકરણ કરવામાં આવે તેવી માંગ ઊઠી છે.આ પણ વાંચો: Mahuva: માર્કેટિંગ યાર્ડમાં મગફળીના ભાવમાં મોટો ઉછાળો, 66 નંબરના સીધા ₹2,260 બોલાયા!
Read Full Story arrow_forward