Community News & Updates

Stay informed with the latest happenings, achievements, and announcements from our community.

All News

calendar_today October 25, 2026

Ludhiana Domestic Violence Case: દહેજ માટે પત્ની પર હેવાનિયતની પરાકાષ્ઠા, પતિએ સરેઆમ પત્નીને ઢસડીને ફટકારી

તેના કરતા વધુ કમાણી કરવા બદલ તેની સલૂન માલિકની પત્નીને ટોણો મારતા, પતિએ જાહેરમાં મહિલાને નિર્દયતાથી ફટકારી હતી.દહેજ માટે હૈવાન બન્યો પતિ પોલીસમાં નોંધાવેલી ફરિયાદ મુજબ, પીડિતા અને આરોપીના સંબંધો છે. પીડિતાની ઓળખ 28 વર્ષીય ટ્વિંકલ તરીકે થઈ છે, જે સમરાલા ચોકમાં પોતાનું સલૂન ચલાવે છે. ટ્વિંકલને તેના પાછલા લગ્નથી સાત વર્ષનો પુત્ર છે. છૂટાછેડાની કાર્યવાહી દરમિયાન, તેણી રિતિશ શર્માને મળી, જે એક તબીબી વ્યાવસાયિક હતા. તેઓ મિત્રો બન્યા, અને નવેમ્બર 2025માં, તેઓ લગ્ન કરીને જસિયાન ગ્રીન એન્ક્લેવ રહેવા ગયા હતા. થાર કારની માગ કરતો પતિ લગ્નના માત્ર ત્રણ મહિના પછી, આરોપી પતિ તેણીને દહેજ માટે હેરાન કરવાનું શરૂ કર્યું. તે તેણીને ટોણો મારતો, થાર એસયુવી માંગતો, કહેતો, "જ્યારે તું મારા કરતા વધારે કમાય છે ત્યારે તું મને થાર કેમ નથી ખરીદી શકતી?" મધ્યસ્થી દ્વારા પ્રારંભિક વિવાદ ઉકેલાયો. થોડા સમય પછી, આરોપીએ મોંઘી સ્પોર્ટ્સ મોટરસાયકલની માંગણી કરવાનું શરૂ કર્યું. ઘટનાના દિવસે, ઘરમાં બાઇકની માંગણીને લઈને ઝઘડો એ હદ સુધી વધી ગયો કે ટ્વિંકલ પોતાનો જીવ બચાવવા માટે તેના પડોશીઓના ઘરે દોડી ગઈ હતી. પોલીસમાં લેખિત ફરિયાદ દાખલ ઘટના બાદ, પીડિતા તાત્કાલિક પોલીસ સ્ટેશન ગઈ અને ન્યાય માટે વિનંતી કરી. તેણે જગતપુરી પોલીસ સ્ટેશનમાં લેખિત ફરિયાદ નોંધાવી અને પુરાવા તરીકે પોલીસને સીસીટીવી ફૂટેજ સુપરત કર્યા. હૈબોવાલ પોલીસ સ્ટેશનના ઇન્ચાર્જ ઇન્સ્પેક્ટર જસવીર સિંહના જણાવ્યા અનુસાર, પોલીસ પીડિતાના મેડિકલ-લીગલ રિપોર્ટની રાહ જોઈ રહી છે. રિપોર્ટ અને ઉપલબ્ધ ફૂટેજના આધારે, આરોપીઓ સામે કડક ફોજદારી કલમો હેઠળ કેસ નોંધવામાં આવશે અને કાયદેસરની કાર્યવાહી કરવામાં આવશે. આ પણ વાંચોઃ પાકિસ્તાનમાં હિન્દુ દીકરીઓ પર અત્યાચાર સામે ભારતે UNમાં પાકિસ્તાનને ઉઘાડું પાડ્યું

Read Full Story arrow_forward

calendar_today October 25, 2026

Rahul Gandhi: 1984નાં ઘા આજે પણ તાજા! રાહુલ ગાંધીની રેલી સામે શીખ સમુદાયનો વિરોધ

આગામી 1 નવેમ્બર 2026ના રોજ દિલ્હીના રામલીલા મેદાનમાં યોજાનારી વિપક્ષની મહારેલીને લઈને શીખ સમુદાયે નારાજગી વ્યક્ત કરી છે. શીખ સમુદાયનું કહેવું છે કે 1 નવેમ્બરનો દિવસ 1984માં થયેલાં શીખ વિરોધી રમખાણોની યાદ સાથે જોડાયેલો છે. આ દિવસે મોટી રેલી યોજવી એ તેમનાં જૂનાં ઘા ફરી તાજા કરવા સમાન છે. તેથી વિપક્ષના નેતા રાહુલ ગાંધીના નેતૃત્વમાં યોજાનારી આ રેલીનો વિરોધ કરવાની જાહેરાત કરવામાં આવી છે.1984નાં રમખાણોથી પીડિત પરિવારોએ કેન્દ્રીય ગૃહમંત્રી અમિત શાહને પત્ર લખીને રેલી યોજવાની મંજૂરી ન આપવાની માગણી કરવાની વાત કહી છે. તેમનું કહેવું છે કે જો રેલી યોજાશે, તો તેઓ વિરોધ પ્રદર્શન કરશે અને તેને રોકવાનો પ્રયાસ કરશે.ગાંધી પરિવાર પર ગંભીર આરોપરમખાણોથી પીડિત પરિવારોએ કોંગ્રેસ અને ગાંધી પરિવાર પર 1984ની હિંસાને લઈને ગંભીર આરોપો લગાવ્યા છે. તેમનું કહેવું છે કે 42 વર્ષ વીતી ગયા હોવા છતાં અસરગ્રસ્ત પરિવારો એ દુઃખ ભૂલી શક્યા નથી. તેમણે માગણી કરી છે કે કોંગ્રેસે પીડિતોની લાગણીઓનું સન્માન કરવું જોઈએ અને 1 નવેમ્બરે યોજાનારી રેલી ટાળવી જોઈએ.રેલી શીખ સમુદાયના ઘા પર મીઠું ભભરાવવા સમાનIANSના અહેવાલ મુજબ, રમખાણોથી પીડિત એક વ્યક્તિએ જણાવ્યું હતું કે, “1984ના નરસંહારને 42 વર્ષ વીતી ગયાં છે, પરંતુ હિંસાની યાદો આજે પણ અમારા પરિવારોને પરેશાન કરે છે. તે સમયે લોકોને ઉશ્કેરવામાં આવ્યા હતા અને શીખ સમુદાયને નિશાન બનાવવામાં આવ્યો હતો. શીખોની ફેક્ટરીઓ અને પેટ્રોલ પંપ સળગાવવામાં આવ્યાં હતાં. લોકોની પાઘડી જોઈને તેમની ઓળખ કરવામાં આવતી હતી. અમારા પરિવારની ત્રણ પેઢીઓ આ દુર્ઘટનાથી પ્રભાવિત થઈ છે. કોંગ્રેસને સવાલ છે કે 1 નવેમ્બરે જ આટલી મોટી રેલી યોજવાની જરૂર કેમ પડી? કોંગ્રેસ કે વિપક્ષી ગઠબંધનના નામે આ દિવસે રાજકીય કાર્યક્રમ યોજવો એ શીખ સમુદાયના ઘા પર મીઠું ભભરાવવા સમાન છે.”તેમણે વધુમાં કહ્યું હતું કે જૂન 1984માં દરબાર સાહિબ ખાતે થયેલી કાર્યવાહી સહિત શીખ સમુદાય સાથે જોડાયેલી ઐતિહાસિક ઘટનાઓને લોકો ભૂલ્યા નથી. તેમના માટે 1 નવેમ્બર માત્ર કેલેન્ડરની એક તારીખ નથી, પરંતુ પરિવારોએ સહન કરેલી પીડા અને ગુમાવેલા સ્વજનોની યાદ સાથે જોડાયેલો દિવસ છે.પીડિતોએ સ્વજનોને યાદ કર્યાવિરોધ પ્રદર્શનની ચેતવણી આપનાર 1984નાં રમખાણોથી પીડિત એક મહિલાએ કહ્યું હતું કે રાહુલ ગાંધીની રેલી યોજાવી ન જોઈએ. જો આવો કાર્યક્રમ યોજાશે, તો તેનો વિરોધ કરવામાં આવશે. તેમણે સવાલ ઉઠાવ્યો હતો કે જે પરિવારોએ પોતાના પતિ, બાળકો અને અન્ય સ્વજનોને ગુમાવ્યા છે, તેમનાં દુઃખ અને ન્યાયની માગણી પર પૂરતું ધ્યાન કેમ આપવામાં આવતું નથી?મહિલાએ જણાવ્યું હતું કે તેમના પરિવારમાં પણ ચાર લોકોનાં મોત થયાં હતાં. તેમણે આરોપ લગાવ્યો હતો કે હિંસા દરમિયાન લોકોને માત્ર તેમની પાઘડી જોઈને નિશાન બનાવવામાં આવ્યા હતા. અસરગ્રસ્ત પરિવારો આજે પણ એ ઘટના ભૂલી શક્યા નથી અને તેમને ન્યાય મળવો જોઈએ.તેમણે જણાવ્યું હતું કે 1થી 5 નવેમ્બર દરમિયાન તેમના ઘરે ધાર્મિક પાઠ અને અન્ય ધાર્મિક કાર્યક્રમો યોજવામાં આવે છે. આ સમય દરમિયાન પીડિત પરિવારો એકબીજા સાથે પોતાનું દુઃખ વહેંચે છે અને દિવંગત સ્વજનોને યાદ કરે છે. મહિલાએ ભાજપ સરકાર, વડાપ્રધાન અને ગૃહમંત્રી અમિત શાહને અપીલ કરી હતી કે તેમની લાગણીઓને સમજીને રેલી યોજવાની મંજૂરી આપવામાં ન આવે.રમખાણોમાં સામેલ હોવાના આરોપોનો સામનો કરતા કોંગ્રેસના નેતાઓને સજા નહીંઅન્ય એક પીડિતે રાહુલ ગાંધી પર શીખ સમુદાયની લાગણીઓ સાથે રમત કરવાનો આરોપ લગાવ્યો હતો. તેમણે 2014ની લોકસભા ચૂંટણી દરમિયાન રાહુલ ગાંધીના એક કથિત નિવેદનનો ઉલ્લેખ કરતાં કહ્યું હતું કે શીખ સમુદાયના લોકો ગાંધી પરિવારને જુએ છે ત્યારે તેમને હિંસામાં માર્યા ગયેલા સ્વજનો અને સળગાવી દેવાયેલાં ગુરુદ્વારાની યાદ આવે છે.તેમણે આરોપ લગાવ્યો હતો કે 1984ની હિંસા માટે જવાબદાર હોવાના આરોપોનો સામનો કરનારા કેટલાક નેતાઓને કોંગ્રેસે રાજકીય જવાબદારીઓ સોંપી હતી. તેમણે જગદીશ ટાઇટલર, સજ્જન કુમાર અને કમલનાથનાં નામ લઈને કોંગ્રેસના નેતૃત્વ સામે સવાલો ઉઠાવ્યા હતા.રાજીવ ગાંધીએ કહ્યું હતું, 'મોટું વૃક્ષ પડે ત્યારે ધરતી ધ્રૂજે છે...'1984નાં શીખ વિરોધી રમખાણોથી પીડિત કમલજીત સિંહ ધીરે પણ 1 નવેમ્બરે યોજાનારી રેલી સામે વાંધો વ્યક્ત કર્યો હતો. તેમણે આ નિર્ણયને શરમજનક ગણાવ્યો હતો અને કહ્યું હતું કે કોંગ્રેસે રાજકીય કાર્યક્રમ યોજવાને બદલે શીખ સમુદાયની માફી માગવા પર ધ્યાન આપવું જોઈએ.ધીરે જણાવ્યું હતું કે 1984માં તત્કાલીન વડાપ્રધાન રાજીવ ગાંધીના નેતૃત્વ હેઠળની કોંગ્રેસ સરકારના સમયમાં દિલ્હીમાં શીખ સમુદાયના લોકોનો નરસંહાર થયો હતો. તેમણે રાજીવ ગાંધીના એ કથિત નિવેદનનો પણ ઉલ્લેખ કર્યો હતો, જેમાં તેમણે કહ્યું હતું કે 'જ્યારે મોટું વૃક્ષ પડે છે, ત્યારે ધરતી ધ્રૂજે છે.'તેમણે દાવો કર્યો હતો કે દિલ્હીમાં 3,000થી વધુ શીખોની હત્યા કરવામાં આવી હતી. મયૂર વિહાર નજીક કલ્યાણપુરી અને ત્રિલોકપુરી જેવા વિસ્તારોમાં પણ લોકોને નિશાન બનાવવામાં આવ્યા હતા. શીખ સમુદાય આ હિંસાને ક્યારેય ભૂલી શકે નહીં. તેમણે કહ્યું હતું કે કોંગ્રેસે રેલી યોજવાને બદલે પીડિત પરિવારોની માફી માગવી જોઈએ.

Read Full Story arrow_forward

calendar_today October 25, 2026

Mann ki baat: ભારતના સ્થાનિક ઉત્પાદનોની વિદેશમાં ધૂમ, ગ્રીસમાં મખાણા તો માલદીવમાં તુવેર દાળ!

વડાપ્રધાન નરેન્દ્ર મોદીએ 25 ઓક્ટોબરે ‘મન કી બાત’ના 139મા એપિસોડમાં સ્વદેશી ઉત્પાદનોનો ઉલ્લેખ કર્યો હતો. તેમણે લોકોને સ્થાનિક ઉત્પાદનો ખરીદવા અને તેનો ઉપયોગ કરવા અપીલ કરી હતી. વડાપ્રધાન મોદીએ કહ્યું કે તહેવારોની આ મોસમમાં લોકોની ખરીદી કરવાની રીતમાં બદલાવ જોવા મળી રહ્યો છે. હવે લોકો ખરીદી કરતી વખતે સ્વદેશી એટલે કે ભારતમાં બનેલી વસ્તુઓને મહત્વ આપવા લાગ્યા છે. તેમણે જણાવ્યું કે ‘વોકલ ફોર લોકલ’ની ભાવનાને કારણે ભારતનાં ઉત્પાદનો દુનિયાના બજારો સુધી પહોંચી રહ્યાં છે. બિહારના પૂર્ણિયાનું મખાણા હવે ગ્રીસ સુધી પહોંચે છે, જ્યારે કર્ણાટકના કલબુર્ગીની તુવેર દાળ માલદીવમાં પહોંચી રહી છે. આનો અર્થ એ છે કે ભારતીય ખેડૂતો માટે વિદેશમાં નવા બજારો ખુલી રહ્યાં છે.ઉત્પાદનની સાથે પેકેજિંગ પણ મહત્વનુંવડાપ્રધાન મોદીએ સ્થાનિક ઉત્પાદનોની ગુણવત્તા સાથે તેમના પેકેજિંગ પર પણ ભાર મૂક્યો હતો. તેમણે કહ્યું કે બજારમાં ઘણી વખત સુંદર પેકિંગ જોઈને લોકો વસ્તુ ખરીદવા માટે આકર્ષાય છે. પેકેજિંગ જોઈને જ ગ્રાહકોને ઉત્પાદન વિશે જાણવાની ઇચ્છા થાય છે. આ બાબતને ધ્યાનમાં રાખીને હવે ઉત્પાદનોના પેકેજિંગ પર પણ ખાસ ધ્યાન આપવામાં આવી રહ્યું છે.મહારાષ્ટ્રનાં આદિવાસી ઉત્પાદનોને આંતરરાષ્ટ્રીય ઓળખવડાપ્રધાને મહારાષ્ટ્રના આદિવાસી સમુદાયના પ્રયાસોની પણ પ્રશંસા કરી હતી. આદિવાસી સમુદાયે પોતાના ઉત્પાદનોના પેકેજિંગ પર ખાસ ધ્યાન આપ્યું છે. ‘સબરી નેચરલ’ દ્વારા મધ, મહુઆ, ચિરોંજી અને વાંસમાંથી બનેલી વસ્તુઓ બજારમાં લાવવામાં આવી રહી છે. આ ઉત્પાદનોના પેકેજિંગમાં આદિવાસી કળાની ઝલક જોવા મળે છે. આ પેકેજિંગને જાપાનનો પ્રતિષ્ઠિત ‘ગુડ ડિઝાઇન એવોર્ડ’ પણ મળ્યો છે.કર્ણાટકનું સ્ટાર્ટઅપ વાંસમાંથી બનાવે છે પેકેજિંગ મટિરિયલવડાપ્રધાન મોદીએ જણાવ્યું કે દેશના યુવાનો પણ આ ક્ષેત્રમાં નવા પ્રયોગો કરી રહ્યા છે. કર્ણાટકનું એક સ્ટાર્ટઅપ વાંસ અને ખેતરોમાંથી નીકળતા કચરાનો ઉપયોગ કરીને પેકેજિંગ માટેની સામગ્રી બનાવે છે. આ રીતે ખેતીમાંથી નીકળતા અવશેષોનો ઉપયોગ કરીને નવી વસ્તુઓ બનાવવામાં આવી રહી છે. તેનાથી સ્થાનિક ઉત્પાદનોને નવી ઓળખ આપવા અને પેકેજિંગ ક્ષેત્રમાં નવા વિકલ્પો વિકસાવવાના પ્રયાસો થઈ રહ્યા છે.ગાંધી જયંતીએ ખાદીના ઉત્પાદનોનું રૂ.28 કરોડથી વધુ વેચાણવડાપ્રધાન નરેન્દ્ર મોદીએ ‘મન કી બાત’માં ખાદીના ઉત્પાદનોની વધતી લોકપ્રિયતાનો ઉલ્લેખ કર્યો હતો. તેમણે કહ્યું કે સ્થાનિક ઉત્પાદનોની વાત થાય ત્યારે ખાદીની ચર્ચા થવી સ્વાભાવિક છે. આ વર્ષે ગાંધી જયંતીના દિવસે માત્ર એક જ દિવસમાં ગાંધી ગ્રામોદ્યોગનાં ઉત્પાદનોનું વેચાણ રૂ.28 કરોડથી વધુ રહ્યું હતું. આ વેચાણ ગયા વર્ષની સરખામણીમાં રૂ.1.5 કરોડ વધારે છે. તે દર્શાવે છે કે લોકોમાં ખાદી પ્રત્યેની લોકપ્રિયતા સતત વધી રહી છે. મોદીએ કહ્યું કે ખાદીના વધતા વેચાણનો લાભ એવા લોકોને પણ મળી રહ્યો છે, જેઓ પોતાની કળા અને મહેનતથી ખાદી, હસ્તકલા સહિતની વિવિધ વસ્તુઓ બનાવે છે.સ્વદેશી વસ્તુઓ ખરીદીને સ્થાનિક કારીગરોને પ્રોત્સાહન આપો: PM મોદીવડાપ્રધાન મોદીએ લોકોને સ્વદેશી ઉત્પાદનો ખરીદવાની અપીલ કરતાં કહ્યું કે તહેવારો દરમિયાન લોકો પોતાના પરિવારજનો અને પ્રિયજનો માટે અનેક વસ્તુઓ ખરીદે છે. આ વખતે ખરીદી કરતી વખતે સ્થાનિક કારીગરોએ બનાવેલી વસ્તુઓને પ્રાથમિકતા આપવી જોઈએ. તેમણે જણાવ્યું કે લોકોની ખરીદીથી સ્થાનિક કારીગરોનો ઉત્સાહ વધશે અને ‘વોકલ ફોર લોકલ’ અભિયાનને પણ વેગ મળશે. આ અભિયાન જેટલી ઝડપથી આગળ વધશે, તેટલી જ ઝડપથી આત્મનિર્ભર ભારતનું સપનું સાકાર થશે.વધુ સમાચાર વાંચવા ડાઉનલોડ કરો સંદેશ ન્યૂઝ એપ : https://sandesh.com/d

Read Full Story arrow_forward