Community News & Updates

Stay informed with the latest happenings, achievements, and announcements from our community.

All News

calendar_today September 3, 2026

સેલવાસમાં દિવ્યાંગોને 3 ઇ-રિક્ષાનું વિતરણ

જય કોર્પ કંપનીએ સીએસઆર અંતર્ગત દિવ્યાંગ લાભાર્થીઓને ઇ-રિક્ષા આપી સ્વરોજગાર અને આત્મનિર્ભરતા માટે સહયોગ કર્યો.વાપીઃ સેલવાસ સ્થિત જય કોર્પ કંપની દ્વારા સીએસઆર અંતર્ગત કલેક્ટર કચેરી ખાતે ત્રણ દિવ્યાંગોને ઇ-રિક્ષાનું વિતરણ કરવામાં આવ્યું છે. આ પહેલનો મુખ્ય ઉદ્દેશ્ય દિવ્યાંગોને સ્વરોજગારના માધ્યમથી આત્મનિર્ભર બનાવવાનો અને તેમને સ્થાયી આજીવિકાની તકો પૂરી પાડવાનો છે. તમામ લાભાર્થીઓને ઇ-રિક્ષાનું વિતરણ રેસિડેન્શિયલ ડેપ્યુટી કલેક્ટર અમિત કુમારના હસ્તે કરવામાં આવ્યું હતું. ઇ-રિક્ષા મેળવનાર લાભાર્થીઓમાં અશ્વિન રમેશ બોરસા- ગલોંડા,અનિલ સોન્યા નડગે- માંદોની, અને વિનય ધાવજી માહલા-ગામ રૂદાના સામેલ છે. કંપની તરફથી યુવાનોને ડ્રાઇવિંગની તાલીમ આપીને ડ્રાઇવિંગ લાઇસન્સ કઢાવવામાં સહયોગ કરવા જેવી પહેલ પણ કરવામાં આવી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 3, 2026

નવસારીમાં કોઈનમાં ઊંચા વળતરની લાલચે ઠગોએ બિલ્ડર, મિત્રોના 42.85 લાખ ઉસેટયા

નવસારી : નવસારી શહેરના ચારપુલ પાસે આવેલ કે કે પ્લાઝા એપાર્ટમેન્ટના ગ્રાઉન્ડ ફ્લોર ઉપર વી.એન.એસ. કોઈન નામની ઓફ્સિ ખોલી રોકાણકારોને લોભામણી સ્કીમ બતાવી ઉંચા વળતરને લાલચ આપી એક મહિલા સહિતની ત્રિપુટીએ બે મિત્રો પાસેથી કોઈનમાં રોકાણના નામે રૂા. 42,85,000 પડાવી લઈ છેતરપિંડી કર્યાની ફરિયાદ નવસારી ટાઉન પોલીસ સ્ટેશનમાં નોંધાય છે.પોલીસ સુત્રો પાસેથી પ્રાપ્ત માહિતી મુજબ વિશાલભાઈ રણજીતભાઈ રાવ ઉ.વ. 45 રહે. પ્રતિક્ષા સોસાયટી નવસારી અને તેમના મિત્રોને સન 2025ના વર્ષ દરમ્યાન નવસારી શહેરના ચારપુલ પાસેના કે કે પ્લાઝા એપાર્ટમેન્ટના ગ્રાઉન્ડ ફ્લોર ઉપર દુકાન નંબરG-4અનેG-9માં 'વી.એન.એસ. કોઈન'ના સંચાલક સોનલબેન છોટેલાલ ભકતા રહે. અશોકવન સોસાયટી, વિજલપોર, નવસારી તથા વિકમસિંહ રંજનસિંહ ડુમારી રહે. પી.એસ. બેરો, શિવમંદિર પાસે, નહેલુકા પરીયા, રાંચી, ઝારખંડના એ શહેરના જાણીતા બિલ્ડર વિશાલ રાવ અને તેમના મિત્રોને લોભામણી યોજનાઓમાં ઊંચા વળતરની લાલચ આપી કોઈનમાં રોકાણના નામે વિશાલભાઈ પાસેથી રૂા. 24,85,000 અને મિત્રોના રૂા. 18,00,000 મળી કુલ રૂા. 42,85,000 બેક્ન એકાઉન્ટમાં ટ્રાન્સફર કરાવ્યા હતા. ત્યારબાદ રૂપિયા પરત નહીં આપી છેતરપિંડી કરી હતી. જોકે આ કૌભાંડમાં સગાવીનો ભોગ બનનાર વિશાલભાઈની ઓફ્સિમાં મેનેજર તરીકે કામ કરતા જીતુભાઈ ઉર્ફે જલમસિંગ રાજપુરોહિત સાદકપોર, તાલુકો ચીખલીની આરોપીઓ સાથેની મિલી ભગત હોવાનું બહાર આવ્યું હતું. આ અંગે નવસારી ટાઉન પોલીસે ઠગાઈનો ગુનો દાખલ કરી વધુ તપાસ હાથ ધરી છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward

calendar_today September 3, 2026

બીલીમોરાના વૃદ્ધને મહિનો સુધી ડિજિટલ અરેસ્ટ રાખનાર ઠગ બેંગ્લોરથી ઝડપાયો

નવસારી : બીલીમોરાના ટાટા નગરમાં રહેતા અને ફર્નિચરચરના ધંધા સાથે સંકળાયેલા 68 વર્ષીય સિનિયર સિટિઝનને મની લોન્ડરિંગના કેસમાં ફ્સાવી દેવાની ધમકી આપી, આશરે એક મહિના સુધી 'ડિજિટલ અરેસ્ટ' રાખી રૂા. 39,80,000 ની રકમ પડાવી લેનાર મુખ્ય આરોપીને નવસારી સાયબર ક્રાઇમ પોલીસે બેંગ્લોર ખાતેથી ઝડપી પાડયો હતો.બીલીમોરાના ટાટા નગરમાં રહેતા જયસુખ હરિભાઈ મિસ્ત્ર્રી (ઉં.વ. 68) ને ગત મે અને જૂન મહિના દરમ્યાન વ્હોટ્સએપ પર અજાણ્યા નંબરોથી કોલ આવ્યા હતા. ઠગાઈ આચરનાર આરોપીઓએ પોતાની ઓળખ દિલ્હી પોલીસના ઇન્સ્પેક્ટર તેમજ આઈપીએસ(IPS)સુનીલકુમાર ગૌતમ તરીકે આપી હતી. વૃદ્ધને માનસિક દબાણમાં લાવવા અને ભયભીત કરવા માટે ઠગોએ ખાખી વર્દી પહેરીને વીડિયો કોલ કર્યા હતાં. માત્ર વીડિયો કોલ જ નહીં, પરંતુ પીડિતને ફ્સાવવા માટે દિલ્હી પોલીસના લોગોવાળો'Complaint Acknowledgment' લેટર, વૃદ્ધના નામે જારી થયેલું બનાવટી અરેસ્ટ વોરન્ટ તેમજ રિઝર્વ બેંક ઓફ્ ઇન્ડિયા(RBI)ના સિક્કા અને લોગોવાળા નકલી દસ્તાવેજો વ્હોટ્સએપ પર મોકલવામાં આવ્યા હતાં. આ નકલી દસ્તાવેજોના આધારે તેમને જેલમાં નાખવાની ધમકી આપી સતત એક મહિના સુધી 'ડિજિટલ અરેસ્ટ'ની સ્થિતિમાં રાખી અલગ-અલગ તબક્કે કુલ રૂા. 39.80 લાખ ઓનલાઇન ટ્રાન્સફર કરાવી લેવામાં આવ્યા હતાં. આ અંગે સાઇબર ફ્રોડનો ભોગ બનનાર જયસુખભાઈ મિસ્ત્ર્રીએ નવસારી સાયબર ક્રાઇમમાં ફરિયાદ નોંધાવી હતી. પીઆઈ યુ. એલ. મોદી તથા તેમની ટીમે ટેકનિકલ સર્વેલન્સ અને હ્યુમન ઇન્ટેલિજન્સના આધારે હાથ ધરેલી તપાસ દરમ્યાન નાણાકીય વ્યવહારો (મની ટ્રેલ) ટ્રેસ કરતાં બહાર આવ્યું કે, પડાવવામાં આવેલા કુલ રૂા. 39.80 લાખ પૈકી રૂા. 24.30 લાખ માતબર રકમ એક ચોક્કસ બેંક ખાતામાં જમા થઈ હતી. આ ડિજિટલ ફૂટપ્રિન્ટ્સના આધારે પોલીસે કર્ણાટક સુધી પગેરું મેળવ્યા બાદ નવસારી સાયબર ક્રાઇમ પોલીસે બેંગ્લોર ખાતે દરોડો પાડી આ ગુનામાં સંડોવાયેલા મુખ્ય આરોપી સંદેશ યમાદુરુ મારીગૌડા (ઉં.વ. 38, રહે. 191, સુખી નીલાયા, એસ.એમ.વી. ર્ફ્સ્ટ બ્લોક, ર્ફ્સ્ટ સી.આર.સી., સોનેનાહાલી, બેંગ્લોર) ને ઝડપી પાડી નવસારી લઈ આવી હતી સાયબર ક્રાઇમ પોલીસની પ્રાથમિક તપાસમાં આરોપી સંદેશ યમાદુરુ મારીગૌડાના બેંક ખાતામાંથી છેતરપિંડીના રૂા. 24.30 લાખના શંકાસ્પદ વ્યવહારો મળી આવ્યા હતાં.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward