Nadiad : બે પ્રાધ્યાપકોને વિશ્વના ટોચના બે ટકા વૈજ્ઞાનિકોમાં સ્થાન મળતાં આનંદ છવાયો
નડિયાદ સ્થિત ધર્મસિંહ દેસાઈ યુનિવર્સિટી (ડીડીયુ) ના બે આસીસ્ટન્ટ પ્રોફેસરોએ આંતરરાષ્ટ્રીય સ્તરે ગૌરવપૂર્ણ સિદ્ધિ પ્રાપ્ત કરી છે. યુનિવર્સિટીના મિકેનીકલ એન્જીનીયરીંગ વિભાગના આસીસ્ટન્ટ પ્રોફેસર ડૉ.પ્રણવ આર. મહેતા અને ઈન્સ્ટ્રુમેન્ટેશન એન્ડ કંટ્રોલ એન્જિનીયરીંગ વિભાગના આસીસ્ટન્ટ પ્રોફેસર ડૉ.હિમાશુંકુમાર આર.પટેલનો એલ્સેવિયર અને સ્ટેનફોર્ડ યુનિવર્સિટી દ્વારા પ્રકાશિત વિશ્વના ટોચના 2% વૈજ્ઞાનિકોની યાદીમાં સમાવેશ થયો છે. વિશ્વના ટોચના 2% વૈજ્ઞાનિકોની યાદીમાં સ્થાપના મેળવનાર બંને પ્રાધ્યાપકોની સંશોધન ક્ષેત્રે કામગીરી અને આંકડાકીય વિગતો મુજબ ગુગલ સ્કોલર પ્રોફાઈલ મુજબ ડૉ.પ્રણવ આર.મહેતાના 91થી વધુ સંશોધનપત્રો અને 2600થી વધુ સાઈટેશન્સ છે. તેમનો એચ- ઈન્ડેક્સ 29 અને આઈ10-ઈન્ડેક્સ 47 છે. તેમનું સંશોધન સૌર ઉર્જા, સૌર ડિસેલિનેશન, ટકાઉ થર્મલ સિસ્ટમ, મિકેનિકલ ડિઝાઈન ઓપ્ટિમાઈઝેશન અને એઆઈ આધારિત એન્જીનિયરીંગ પર કેન્દ્રિત છે. બીજી તરફ ડૉ.હિમાંશુકુમાર આર.પટેલે પણ સંશોધન ક્ષેત્રે ઉત્કૃષ્ટ પ્રદાન આપ્યું છે. તેમણે અત્યાર સુધીમાં 85 થી વધુ સંશોધનપત્રો પ્રકાશિત કર્યા છે. અને 1100 થી વધુ સાઈટેશન્સ મેળવ્યા છે. તેમનો એચ- ઈન્ડેક્સ 22 અને આઈ10 ઈન્ડેક્સ 41 છે. તેમના સંશોધન ક્ષેત્રોમાં આર્ટિફિશયલ ઈન્ટેલિજન્સ, ફોલ્ટ - ટોલરન્ટ કંટ્રોલ સિસ્ટમ, ફઝી સિસ્ટમ અને મેટાહ્યુરિસ્ટિક અલ્ગોરિધમ આધારિત ઓપ્ટિમાઈઝેશનનો સમાવેશ થાય છે. યુનિવર્સિટીને વૈશ્વિક સ્તરે ઓળખ અપાવનાર આ સિદ્ધિને લઈને યુનિવર્સિટીના વાઈસ ચાન્સેલર પદ્મશ્રી ડૉ.એચ.એમ.દેસાઈ, અંકુર એચ.દેસાઈ, રજિસ્ટ્રાર એમ.આર.ભાવસાર, ડીન પ્રો.વી.એ.શાહ, એન્જિનિયરીંગ વિભાગના વડા આર.એમ.જોશીએ બંને પ્રાધ્યાપકોને અભિનંદન આપ્યા હતા.ગુજરાતના વધુ સમાચાર વાંચવા માટે ક્લિક કરો
Read Full Story arrow_forward
