android Download our official Android App from Google Play Store

Community News & Updates

Stay informed with the latest happenings, achievements, and announcements from our community.

All News
Anand : માં બહેનો દ્વારા પથ સંચાલનનું આયોજન
calendar_today October 21, 2026

Anand : માં બહેનો દ્વારા પથ સંચાલનનું આયોજન

વિજયાદશમીના પાવન પર્વ નિમિત્તે રાષ્ટ્ર સેવિકા સમિતિ, નડિયાદ વિભાગ આણંદ જીલ્લા પ્રથમ વખત બહેનો દ્વારા શસ્ત્રપૂજન તથા પથસંચાલનનું ભવ્ય આયોજન કરવામાં આવ્યું હતું. કાર્યક્રમમાં રાષ્ટ્રીય સ્વયંસેવક સંઘની સાહિત્ય પરિષદના ડો. અનુ મહેતાએ સમિતિની સ્થાપના અને સ્થાપિકા લક્ષ્મીબાઈ કેળકર (મૌસીજી)નું યોગદાન. નારીશક્તિ, સંસ્કાર અને રાષ્ટ્રનિર્માણ, ભારતીય સંસ્કૃતિ અને પરિવાર વ્યવસ્થામાં મહિલાઓની ભૂમિકા જેવા વિષયોને ઉજાગર કર્યા હતા. કાર્યક્રમની શરૂઆત ભગવા ધ્વજના પૂજનથી કરવામાં આવી હતી. શહેરના શાન રોડ મેદાનથી શાસ્ત્રી મેદાન સુધીના માર્ગ પર બહેનોએ પથસંચાલન કર્યુંહતું.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Disa : ડીસા પાટણ હાઈવે પર ડમ્પરની ટક્કરે યુવકનું સારવાર વેળા મોત
calendar_today October 21, 2026

Disa : ડીસા પાટણ હાઈવે પર ડમ્પરની ટક્કરે યુવકનું સારવાર વેળા મોત

ડીસા પાટણ હાઈવે પર ભોપાનગર સર્જાયેલા ગમખ્વાર ડમ્પર અકસ્માતમાં ગંભીર રીતે ઈજાગ્રસ્ત થયેલા જુનાડીસાના યુવકનું સારવાર દરમિયાન દુઃખદ અવસાન થયું છે. જુનાડીસાના રહેવાસી અમિતચંદ બાબુભાઈ પુનડીયા ઉ.વ.29 ગત તારીખ19 ના રોજ ડીસા પાટણ હાઈવે પર ભોપાનગર નજીક ડમ્પર અકસ્માતનો ભોગ બન્યા હતા. અકસ્માતમાં ગંભીર ઈજાઓ થતાં તેમને ડીસાની સિવિલ હોસ્પિટલ અને બાદમાં વધુ સારવાર માટે અમદવાદ રીફર બરવામાં આવ્યા હતા. જ્યાં સારવાર દરમ્યિાન તારીખ 20 ના રોજ તેમનું દુઃખદ નિધન થયું હતું. યુવાન વયે અચાનક થયેલા આ અકસ્મિક મૃત્યુથી પુનડીયા પરીવાર અને જુનાડીસા પંથકમાં ભારે શોકની લાગણી છવાઈ ગઈ છે.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward
Palanpur : તિરૂપતિ ટાઉનશિપ-1 માં દેશી ઢોલ અને શરણાઈના તાલે ગરબાની જામી ભવ્ય રમઝટ
calendar_today October 21, 2026

Palanpur : તિરૂપતિ ટાઉનશિપ-1 માં દેશી ઢોલ અને શરણાઈના તાલે ગરબાની જામી ભવ્ય રમઝટ

પાલનપુર સ્થિત તિરૂપતિ ટાઉનશિપ ભાગ-1 ખાતે નવરાત્રી મહોત્સવ નિમિત્તે એક ખાસ અને ભવ્ય સાંસ્કૃતિક કાર્યક્રમનું આયોજન કરવામાં આવ્યું હતું. જેમાં પ્રાચીન અને પરંપરાગત સંસ્કૃતિને જીવંત રાખતા દેશી ઢોલ અને શરણાઈના મધુર સુર-તાલ સાથે ખેલૈયાઓએ ગરબાની ભારે રમઝટ બોલાવી હતી. વર્તમાન સમયમાં ડીજે અને આધુનિક મ્યુઝિક સિસ્ટમના યુગ વચ્ચે પણ આપણી પ્રાચીન ગરબા પરંપરા જળવાઈ રહે તે હેતુથી દેશી ઢોલ અને શરણાઈના કલાકારોને ખાસ આમંત્રિત કરવામાં આવ્યા હતા. ઢોલના ધબકારા અને શરણાઈની ગુંજ પર સોસાયટીના અબાલ-વૃદ્ધ સૌ કોઈ મન મૂકીને ગરબે ઘૂમ્યા હતા. તિરૂપતિ ટાઉનશીપ ભાગ-1 ના રહીશો, બાળાઓ અને મહિલાઓએ પરંપરાગત ચણિયાચોળી અને કેડિયામાં સજ્જ થઈને ગરબાની રમઝટ માણી હતી. સમગ્ર ટાઉનશીપ પરિસરમાં ભક્તિમય અને ઉત્સાહસભર વાતાવરણ સર્જાયું હતું. આ આયોજનને સફળ બનાવવા માટે સોસાયટીના રહીશો તથા યુવાનોને ભારે જહેમત ઉઠાવી હતી.ગુજરાતના વધુ સમાચાર વાંચવા માટે ક્લિક કરો

Read Full Story arrow_forward